ბოლიფენი-ჰუმანითი

სავაჭრო დასახელება

ბოლიფენი-ჰუმანითი

BOLIFEN - HUMANITY

საერთაშორისო არაპატენტირებული დასახელება

იბუპროფენი

სამკურნალწამლო ფორმა

გელი

შემადგენლობა

1 გ გელი შეიცავს: 50 მგ იბუპროფენს.

ფარმაკოთერაპიული ჯგუფი

სახსრების და კუნთების ტკივილის საწინააღმდეგო ადგილობრივი პრეპარატები, ანთების საწინააღმდეგო.

ათქ კოდი: M02AA13


ფარმაკოლოგიური თვისებები

ფარმაკოკინეტიკა

გელი შეიცავს იბუპროფენს, რომელიც დიფუზირდება კანში და გამოყენებიდან  24 საათის შემდეგ შეინიშნება მიღებული დოზის არსებობა ეპიდერმისში და დერმაში. იბუპროფენის გელის კანქვეშა აბსორბცია დაახლოებით 5% პერორალურ იბუპროფენთან შედარებით. თერაპიული კონცენტრაციები მიიღწევა ადგილობრივად; მაგრამ არა სისტემურად.

ფარმაკოდინამიკა

გელი გამოიყენება ადგილობრივად. იბუპროფენი წარმოადგენს პროპიონის მჟავას წარმოებულ  არასტეროიდულ ანთების საწინააღმდეგო საშუალებას (აასს). მისი ანთების საწინააღმდეგო თვისებები შესაძლოა უფრო სუსტი იყოს , ვიდრე სხვა აასს-ების. იბუპროფენი არის პროსტაგლანდინების სინთეზის ინჰიბიტორი, ადგილობრივად გამოყენებისას აქვს ანალგეზიური და ანთების საწინააღმდეგო მოქმედება. ვინაიდან, იგი დამზადებულია წყალსა და სპირტზე, პრეპარატს გააჩნია დამამშვიდებელი და გამაგრილებელი ეფექტი დაზიანებულ კანზე წასმისას.

იბუპროფენი წარმოადგენს არასტეროიდ, ანთების საწინააღმდეგო საშუალებას, რომლის გამოცდის შემდეგ დადასტურდა მისი ტკივილგამაყუჩებელი, სიცხის დამწევი და ანთების საწინააღმდეგო მოქმედება სისტემური გამოყენების შემდეგ. ადგილობრივად გამოყენებისას, იბუპროფენი წარმოადგენს ეფექტურ ტკივილგამაყუჩებელ და ანთების საწინააღმდეგო საშუალებას რევმატოიდული და კუნთების ტკივილის, წელის ტკივილის, არასერიოზული ართრიტული მდგომარეობების დროს ტკივილის, მყესების დაჭიმულობების, ლუმბაგოს და ფიბროზიტების დროს კანიდან შეწოვის ხარჯზე.

გამოყენების ჩვენებები

ადგილობრივი ტკივილგამაყუჩებელი და ანთების საწინააღმდეგო საშუალება წელის ტკივილის, არასერიოზული ართრიტული მდგომარეობების დროს ტკივილის, კუნთების ტკივილის, მყესების დაჭიმულობის, სპორტული ტრავმების და ნევრალგიის დროს.

ზოგადი ჩვენებები:

ადგილობრივი ანთების საწინააღმდეგო საშუალება წელის ტკივილის, რევმატული და კუნთების ტკივილის, მყესების დაჭიმულობის და სპორტული ტრავმების დროს.

დოზირება და მიღების წესი

მიღების წესი

კანზე ადგილობრივად გამოყენებისთვის

დოზირება:

მოზრდილები, ხანდაზმულები და 14 წელზე მეტი ასაკის ბავშვები:

დაიტანეთ გელი (0.5გმ-1.12გმ) მტკივნეულ ადგილას, დღეში სამჯერ, ან ექიმის დანიშნულების მიხედვით. ყოველთვის დაიტანეთ საკმარისი რაოდენობის გელი ისე, რომ დაიფაროს მტკივნეული ადგილი და რბილად შეიზილეთ კანზე მასაჟისებრი მოძრაობებით სრულ შეწოვამდე. დაუშვებელია ჭარბად გამოყენება. დაუშვებელია კანზე სახვევის, პლასტირის გამოყენება.

ყოველი გამოყენების შემდეგ დაიბანეთ ხელები. არ გადააჭარბოთ მითითებულ დოზებს. 2 კვირის შემდეგ სიმპტომების კვლავ არსებობის ან გაუარესების შემთხვევაში, უნდა გადაიხედოს მკურნალობა.

14 წლამდე ასაკის ბავშვები:

დაუშვებელია 14 წლამდე ასაკის ბავშვებში გამოყენება ექიმის დანიშნულების გარეშე.

გვერდითი მოვლენები

ადგილი ჰქონდა ჰიპერმგრძნობელობის რეაქციებს, როგორიცაა არასპეციფიკური ალერგიული რეაქციები და ანაფილაქსია, რეაქციები სასუნთქი სისტემის მხრივ, მაგ. ასთმა, მწვავე ასთმა, ბრონქოსპაზმი, დისპნოე ან კანის სხვადასხვა რეაქციები, მაგ. სხვადასხვა სახის გამონაყარი, პრურიტი, ჭინჭრის ციება, ანგიოედემა და უფრო იშვიათად, ბულეზური დერმატიტი (მათ შორის ეპიდერმული ნეკროზი და მულტიფორმული ერითმა).

კუჭ-ნაწლავის მხრივ: მუცლის ტკივილი , დისპეფსია.

უკუჩვენებები

პრეპარატში შემავალი ნივთიერებების მიმართ ჰიპერმგრძნობელობა.

ჰიპერმგრძნობელობა ასპირინის, სხვა აასს-ების მიმართ, ასთმა, რინიტი ან ჭინჭრის ციება. ასევე ჰერპესის მკურნალობის, ვაქცინაციის ან ჩუტყვავილას დროს.

პრეპარატებთან ურთიერთქმედება

აასს-ებმა შესაძლებელია ურთიერთქმედება მოახდინონ არტერიული წნევის შემამცირებელ პრეპარატებთან ერთად გამოყენებისას, და გაზარდონ ანტიკოაგულანტების ეფექტი, თუმცა ამის ალბათობა ნაკლებია პრეპარატის ადგილობრივად გამოყენების დროს .

ასპირინმა ან სხვა აასს-ებმა შესაძლებელია გამოიწვიონ გვერდითი მოვლენების განვითარების ინტენსივობის გაზრდა.

განსაკუთრებული მითითებები

დაიტანეთ მსუბუქი მასაჟისებრი მოძრაობით. არ მოიხვედროთ თვალში, ლორწოვან გარსზე და დამწვარ და დაზიანებულ კანზე.

გამონაყარის განვითარების შემთხვევაში შეწყვიტეთ მკურნალობა.

გამოყენების შემდეგ დაუყოვნებლივ დაიბანეთ ხელები.

არ გამოიყენოთ ოკლუზიური სახვევები.

ეტიკეტზე მითითებულია:

არ გადააჭარბოთ მითითებულ დოზას.

შეინახეთ ბავშვებისთვის მიუწვდომელ ადგილას

გამოიყენება მხოლოდ გარეგანად.

სიმპტომების გახანგრძლივების შემთხვევაში მიმართეთ ექიმს ან ფარმაცევტს.

არ გამოიყენოთ, თუ გაქვთ ალერგია იბუპროფენის, ასპირინის ან სხვა ტკივილგამაყუჩებელების მიმართ.

გამოყენებამდე კონსულტაცია გაიარეთ ექიმთან, თუ:

-         იღებთ ასპირინს ან სხვა ტკივილგამაყუჩებელს

-         ხართ ორსულად

არ გამოიყენება 14 წლამდე ასაკის ბავშვებში.

პეორრალური აასს-ები, მათ შორის იბუპროფენი, ზოგჯერ ასოცირდება თირკმლის უკმარისობასთან, აქტიურ პეპტურ წყლულთან და შესაძლებელია გამოიწვიოს ალერგიული ბრონქული რეაქციები მგრძნობიარე ასთმურ პაციენტებში. ადგილობრივად გამოყენებული იბუპროფენის სისტემური აბსორბცია ნაკლებია, ვიდრე პერორალური მიღებისას და მსგავსი გართულებებიც იშვიათია.

ამიტომ, პაციენტები აქტიური პეპტური წყლულით, თირკმელების პრობლემების ისტორიით, ასთმით ან პერორალურად მიღებული ასპირინის ან იბუპროფენის აუტანლობით იბუპროფენის გელის გამოყენებამდე უნდა გაიარონ ექიმთან კონსულტაცია.

საჭიროა პაციენტებმა ნამკურნალები ადგილი მოარიდონ  მზის პირდაპირ სხივებს, იმისათვის, რომ არ განვითარდეს ფოტომგრძნობელობა. ადგილობრივი ანტიბიოტიკების ხანგრძლივმა გამოყენებამ, შესაძლებელია იშვიათად გამოიწვიოს არამგრძნობიარე ორგანიზმების ზრდა.

მსგავსი მდგომარეობის ან გაღიზიანების, მგრძნობელობის ან სუპერ ინფექციის განვითარების შემთხვევაში, უნდა შეწყდეს პრეპარატით მკურნალობა და დაინიშნოს შესაბამისი თერაპია.

ჭარბი დოზირება

ბავშვებში >400 მგ/კგ იბუპროფენის მიღებისას, შეიძლება განვითარდეს სიმპტომები. მოზრდილებში ეს ნაკლებად შეინიშნება. ჭარბი დოზირებისას ნახევარგამოყოფის პერიოდი შეადგენს 1.5-3 სთ-ს.

სიმპტომები

პაციენტთა უმრავლესობაში აასს-ების კლინიკურად მნიშვნელოვანი რაოდენობის მიღებისას, შეიძლება განვითარდეს გულისრევა, ღებინება, ეპიგასტრიუმის ტკივილი ან უფრო იშვიათად დიარეა. ასევე შესაძლებელია ტინიტუსი, თავის ტკივილი და კუჭ-ნაწვლავის სისხდენა.

უფრო სერიოზულ შემთხვევებში მოწამვლა, ტოქსიურობა ცენტრალური ნერვული სისტემის მხრივ, გამოვლინდება თავბრუსხვევა, იშვიათად აღგზნება და დეზორიენტაცია ან კომა.

იშვიათად შეინიშნება კონვულსიები. სერიოზული მოწამვლისას, შეიძლება განვითარდეს მეტაბოლური აციდოზი და გახანგრძლივდეს პროთრომბინის დრო, სავარაუდოდ მოცირკულირე შემადედებელი ფაქტორების მოქმედების გამო. შეიძლება განვითარდეს თირკმლის მწვავე უკმარისობა და ღვიძლის დაზიანება. ასთმით დაავადებულ პაციენტებში შესაძლებელია ასთმის გამწვავება.

მართვა

მკურნალობა სიმპტომური და შემანარჩუნებელია და მოიცავს სასუნთქი გზების გათავისუფლებას და გულის და სასიცოცხლო ნიშნების მონიტორინგს მათ დასტაბილურებამდე. უნდა მოხდეს აქტივირებული ნახშირის მიღება ტოქსიური რაოდენობის მიღებიდან 1 საათის განმავლობაში. კონვულსიების მკურნალობა უნდა მოხდეს ინტრავენური დიაზეპამით ან ლორაზეპამით. ასთმის საწინააღმდეგოდ უნდა მოხდეს ბრონქოდილატატორების გამოყენება.

შეფუთვის ფორმა

30 გ ლამინირებულ ტუბში. 1 ლამინირებული ტუბი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

ინახება არაუმეტეს 25°C ტემპერატურაზე. ბავშვებისათვის მიუწვდეომელ ადგილზე.

ვარგისიანობის ვადა

24 თვე.

აფთიაქიდან გაცემის პირობები: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი

MEPRO PHARMECEUTICALS PVT.LTD. (Unit – II),  ინდოეთი

სავაჭრო ლიცენზიის  მფლობელი

სს „ჰუმანითი ჯორჯია“, საქართველო