ნიფედიპინი-რაპიდი

სავაჭრო დასახელება:

ნიფედიპინი-რაპიდი

საერთაშორისო არაპატენტური დასახელება:

ნიფედიპინი

სამკურნალწამლო ფორმა:

რბილი ჟელატინის კაფსულები

შემადგენლობა:

ყოველი რბილი ჟელატინის კაფსულა შეიცავს:

აქტიურ ნივთიერებას - ნიფედიპინს 10მგ

ფარმაკოთერაპიული ჯგუფი:

კალციუმის არხების სელექტიური ბლოკატორი, დიჰიდროპირიდინის წარმოებული.

აქთ კოდი: C08CA05


ფარმაკოლოგიური თვისებები:

ფარმაკოდინამიკა:

ნიფედიპინი წარმოადგენს კალციუმის არხების ბლოკატორს, 1,4-დიჰიდროპირიდინის წარმოებულს. კალციუმის ანტაგონისტები თრგუნავენ უჯრედებში კალციუმის იონების ტრანსმემბრანულ შეღწევას. ნიფედიპინი განსაკუთრებით მოქმედებს კარდიომიოციტებზე, კორონარული არტერიების და პერიფერიული სისხლძარღვების გლუვი კუნთების უჯრედებზე. მისი მოქმედების ძირითადი მექანიზმი დაკავშირებულია გლუვი კუნთების მოდუნებასთან, როგორც კორონარულ, ასევე პერიფერიულ სისხლძარღვებში, რაც იწვევს ვაზოდილატაციას, პერიფერიული წინაღობის შემცირებას და არტერიული წნევის დაქვეითებას.

სტენოკარდიის დროს ნიფედიპინი ამცირებს მარცხენა პარკუჭის დატვირთვას პერიფერიული არტერიების მოდუნების ხარჯზე. ნიფედიპინი ასვე აფართოვებს როგორც საღ, ასევე სპაზმირებულ კორონარულ არტერიებს, ხსნის კორონარულ სპაზმს და აუმჯობესებს იშემიზირებულ მიოკარდიუმში სისხლის მიმოქცევას. პრეპარატი ამცირებს სტენოკარდიის შეტევების სიხშირეს და ეკგ-ზე იშემიური გამოვლინებების ხარისხს მიუხედავად იმისა, თუ რა განაპირობებთ მათ- კორონარული არტერიის სპაზმი, თუ მისი ათეროსკლეროზული დაზიანება. ნიფედიპინის მოქმედება არტერიულ წნევაზე დამოკიდებულია მის  საწყის დონეზე. ნორმოტენზიის შემთხვევაში პრეპარატს გააჩნია უმნიშვნელო მოქმედება არტერიულ წნევაზე.

ფარმაკოკინეტიკა:

აბსორბცია

პერორალური გამოყენების შემდეგ ნიფედიპინი სწრაფად და თითქმის სრულად შეიწოვება კუჭ-ნაწლავის ტრაქტიდან. ბიოშეღწევადობა შეადგენს 45-65%, პირველადი გასვლის ეფექტის გათვალისწინებით. სისხლის პლაზმაში მაქსიმალური კონცენტრაცია მიიღწევა 30-60 წუთის შუალედში.საკვების მიღება ნიფედიპინის შეწოვის სიჩქარეს ამცირებს, მაგრამ აბსორბირებული პრეპარატის რაოდენობა ზეგავლენას არ ახდენს.

განაწილება

ნიფედიპინის დაახლოებით 95% უკავშირდება სისხლის პლაზმის ცილებს (ალბუმინს). ინტრავენური შეყვანისას განაწილების ნახევარგამოყოფის პერიოდი შეადგენს 5-დან 6 წუთამდე.

მეტაბოლიზმი

პერორალური გამოყენებისას, ნიფედიპინი მეტაბოლიზდება ნაწლავის კედელში და ღვიძლში, ძირითადად დაჟანგვის გზით. მეტაბოლიტებს არ გააჩნია ფარმაკოდინამიური აქტივობა. პრეპარატი ძირითადად გამოიყოფა თირკმლებით მეტაბოლიტების სახით,  და მცირე რაოდენობით (5-15%) ნაღველთან და განავალთან ერთად. უცვლელი სახით გამოიყოფა უმნიშვნელო რაოდენობით (<0,1%) შარდთან ერთად.

გამოყოფა

საბოლოო ნახევრადგამოყოფის პერიოდი შეადგენს 1,7-დან 3,4 საათამდე. რეკომენდებულ დოზებში გამოყენებისას არ ახდენს კუმულაციას, თირკმლის ფუნქციის დარღვევისას პრეპარტის გამოყოფის მაჩვენებლები არ განსხვავდება ჯანმრთელ მოხალისეებთან შედარებით. ღვიძლის ფუნქციის დარღვევისას, გამოყოფის პერიოდი მნიშვნელოვნად გრძელდება და მცირდება საერთო კლირენსი. ღვიძლის ფუნქციის მძიმე დარღვევისას საჭიროა დოზის შემცირება.

ჩვენებები:

  • ქრონიკული სტაბილური სტენოკარდიის  პროფილაქტიკა (მონოთერაპიის სახით და ბეტა-ბლოკატორებთან კომბინაციაში).
  • ჰიპერტენზიის მკურნალობა. სწრაფი მოქმედების ნიფედიპინით ჰიპერტენზიის მქონე პაციენტების მკურნალობისას, შესაძლებელია კარდიო-ვალკულური გართულებების მომატებული რისკის გამოვლენა ((მიოკარდიუმის ინფარქტი). შესაბამისად, ნიფედიპინის ამ ფორმის გამოყენება რეკომენდებულია იმ შემთხვევაში, თუ სხვა პრეპარატებით მკურნალობა არაეფექტურია ან არ არის მიზანშეწონილი.  
  • რეინოს სინდრომის მკურნალობა.

მიღების წესი და დოზირება:

დოზირება

მაქსიმალური დღიური დოზა შეადგენს 60 მგ-ს.

რეკომენდებული საწყისი დოზაა- 10 მგ  8 საათში ერთხელ. აუცილებლობისას შესაძლებელია დოზის ტიტრაცია არტერიული წნევის კონტროლით მაქსიმალურ დოზამდე. ავადმყოფებმა, რომლებიცსაჭიროებენნიფედიპინისმაღალდოზებს (>60მგ), სასურველიამიიღონპროლონგირებულიმოქმედებისპრეპარატი.

CYP 3A4 ინჰიბიტორებთან ან  CYP 3A4 ინდუქტორებთან მიღებისას შესაძლებელია საჭირო გახდეს ნიფედიპინის დოზის კორექტირება.

მკურნალობის ხანგრძლივობა

მკურნალობის ხანგრძლივობა შეზღუდული არ არის.

დამატებითი ინფორმაცია სპეციალური პოპულაციებისთვის

ხანდაზმულები (>65 წლის)

ხანდაზმულ პაცინტებში ფარმაკოკინეტიკა იცვლება და შესაძლებელია საჭირო გახდეს დოზის შემცირება.

ღვიძლის ფუნქციის დარღვევის მქონე პაციენტები

ნიფედიპინი მეტაბოლიზდება ღვიძლში და, შესაბამისად ღვიძლის დისფუნქციის მქონე პაციენტები საჭიროებენ დამატებით კონტროლს და დოზის კორექტირებას. თირკმლის ფუნქციის დარღვევის მქონე პაციენტები

ფარმაკოკინეტიკის გათვალისწინებით, არ არის საჭირო დოზის კორექტირება თირკმლის ფუმქციის დარღვევის მქონე პაციენტებში.

გამოყენების მეთოდი

პერორალური გამოყენებისათვის

კაფსულები მიიღება მთლიანად, მცირე რაოდენობის სითხის მიყოლებით. მიიღება  საკვების მიღებისაგან დამოუკიდებლად.

ნიფედიპინის კაფსულების არ მიიღება გრეიფრუტის წვენთან ერთად.

უკუჩვენებები:

  • პრეპარატის აქტიური კომპონენტის ან სხვა შემადგენელი კომპონენტის, სხვა დიჰიდროპირიდინის მიმართ მომატებული მგრძნობელობა.
  • კარდიოგენული შოკი, კლინიკურად მნიშვნელოვანი აორტალური სტენოზი, არასტაბილური სტენოკარდია, მიოკარდიუმის მწვავე ინფარქტის შემდეგ 4 კვირის განმავლობაში.
  • სტენოკარდიული შეტევის ერთჯერადი მკურნალობა.
  • ავთვისებიანი ჰიპერტენზიის მკურნალობა.
  • მიოკარდიუმის ინფარქტის მეორადი პროფილაქტიკა.
  • რიფამპიცინთან ერთდროული გამოყენება, ვინაიდან ნიფედიპინის ეფექტური პლაზმური კონცენტრაცია ვერ მიიღწევა ენზიმების ურთიერთქმედების გამო.

განსაკუთრებული სიფრთხილის ზომები:

ბეტა-ბლოკერის მკურნალობიდან ნიფედიპინზე გადასვლისას საჭიროა ბეტა-ბლოკერის თანდათანობითი მოხსნა (არანეკლებ 8-10 დღის განმავლობაში).

პრეპარატის გამოყენება შესაძლებელია ბეტა-ბლოკერებთან ან სხვა ჰიპოტენზიურ პრეპარატებთან კომბინაციაში, მაგრამ გასათვალისწინებელია ადიტიური ეფექტის არსებობა და პოსტურალური ჰიპოტენზიის განვითარების რისკი. ნიფედიპინის მიღება სხვა ჰიპოტენზიური პრეპარატის მოხსნის ეფექტის პროფილაქტიკას არ ახდენს. სიფრთხილით ინიშნება პაციენტებში დაბალი არტერიული წნევით (სისტოლური წნევა ნაკლებია 90 mm Hg).

სწრაფი მოქმედების ნიფედიპინით მკურნალობისას შესაძლებელია განვითარდეს არტერიული წნევის სწრაფი დაქვეითება და რეფლექტორული ტაქიკარდია, რამაც შეიძლება გამოიწვიოს კარდიო-ვასკულური გართულება- მიოკარდიუმის ინფარქტი და ცერებრო-ვასკულური იშემია.

ძალიან იშვიათია სტენოკარდიის განვითარება სწრაფი მოქმედების ნიფედიპინით მკურნალობისას (ერთეული შემთხვევები), განსაკუთრებით მკურნალობის დასაწყისში. კლინიკური კვლევებით დადასტურდა, რომ ასეთი შემთხვევების სიხშირე უმნიშვნელოა. სტეკოკარდიის მქონე პაციენტებში მკურნალობის დაწყებისას შეიძლება მოხდეს შეტევების სიხშირის, ხანგრძლივობის და სიმძიმის მატება. ერთეულ შემთხევევებში იყო დაფიქსირებული მიოკარდიუმის ინფარქტის განვითარება. ნიფედიპინი არ გამოიყენება ორსულობის დროს. ნიფედიპინი სარეზერვო პრეპარატია მძიმე არტერიული ჰიპერტენზიის სამკურნალოდ და მისი გამოყენება შესაძლებელია სტანდარტული თერაპიის არაეფექტურობის შემთხვევაში. მისი გამოყენების აუცილებლობისას საჭიროა პოტენციური რისკის და მოსალოდნელი სარგებელის გათვალისწინება.

არ გამოიყენება ლაქტაციის დროს, ვინაიდან პრეპარატი გამოიყოფა დედის რძეში და მისი მოქმედება ბავშვის ორგანიზმზე უცნობია.

ღვიძლის უკმარისობის მქონე პაციენტებში საჭიროა დამატებითი სიფრთხილე და დოზის კორექტირება.

სიფრთხილით ინიშნება გულის უკმარისობის მქონე პაციენტებში. შესაძლებელია გულის უკმარისობის პროგრესირების განვითარება. მაღალი დოზების გამოყენებისას მატულობს მწვავე კარდიო-ვასკულური შემთხვევების რისკი, განსაკუთრებით არსებული კარდიალური პრობლემების მქონე პაციენტებში.

შაქრიანი დიაბეტით მქონე პაციენტებში პრეპარატის გამოყენებისას საჭიროა დამატებითი კონტროლი. დიალიზზე მყოფ, ავთვისებიანი ჰიპერტენზიის და ჰიპოვოლემიის მქონე პაციენტებში შეიძლება განვითარდეს არტერიული წნევის სწრაფი დაქვეითება.

სხვა პრეპარატებთან ურთიერთქმედება:

პრეპარატები, რომლებიც მოქმედებენ ნიფედიპინზე

ნიფედიპინი მეტაბოლიზდება ციტოქრომ  P450 3A4 სისტემის მეშვეობის, რომელიც განთავსებულია ნაწლავებში და ღვიძლში. ამ სისტემის ინდუქტორებთან და ინჰიბიტორებთან ერთდროული გამოყენებისას იცვლება პრეპატის პირველადი მეტაბოლიზმი (პერორალური გამოყენებისას) და  გამოყოფა.

ურთიერთქმედების ხარისხი და ხანგრძლივობა გასათვალისწინებელია ერთდროული გამოყენებისას შემდეგ პრეპარატებთან:

რიფამპიცინი: რიფამპიცინი ციტოქრომ P450 3A4  სისტემის  ძლიერი ინდუქტორია. ერთდროული მიღებისასნიფედიპინის ბიოშეღწევადობა და< შესაბამისად, მისი ეფექტურობა მნიშვნელოვნად მცირდება. ნიფედიპინი არ გამოიყენება  რიფამპიცინთან ერთად.

ციტოქრომ P450 3A4  სისტემის ინჰიბიტორებთან ერთდროული გამოყენებისას საჭიროა არტერიული წნევის მონიტორირება და აუცილებლობისას ნიფედიპინის დოზის შემცირება.

პრეპარატები, რომლებიც ზრდიან ნიფედიპინის მოქმედებას:

  • მაკროლიდის ჯგუფის ანტიბიოტიკები (მაგ, ერითრომიცინი)
  • ანტი-HIV პროტეაზას ინჰიბიტორები (მაგ, რიტონავირი)
  • აზოლის ჯგუფის ანტიმიკოზური პრეპარატები (მაგ, კეტოკონაზოლი)
  • ფლუოქსეტინი
  • ნეფაზოდონი
  • ქვინუპრისტინი/დალფოპრისტინი
  • ციზაპრიდი
  • ვალპროის მჟავა
  • ციმეტიდინი
  • დილთიაზემი

ციტოქრომ P450 3A4  სისტემის ინჰიბიტორებთან ერთდროული გამოყენებისას საჭიროა არტერიული წნევის მონიტორირება და აუცილებლობისას ნიფედიპინის დოზის გაზრდა.  თუ იზრდება ნიფედიპინის დოზა ამ პრეპარატებთან ერთდროული გამოყენებისას, მათი მოხსნის შემდეგ, საჭიროა ისევ დოზის შემცირება.

პრეპარატები, რომლებიც ამცირებენ ნიფედიპინის მოქმედებას:

  • რიფამპიცინი
  • ფენიტოინი
  • კარბამაზეპინი
  • ფენობარბიტალი

ნიფედიპინის მოქმედება სხვა პრეპარატებზე

ნიფედიპინი ზრდის სხვა ჰიპოტენზიური პრეპარატების მოქმედების ეფექტს.

ბეტა-ბლოკერებთან ერთდროული გამოყენებისას საჭიროა სიფრთხილე გულის უკმარისობის გაღრმავების შესაძლო რისკის გამო.

დიგოქსინი: ერთდროული გამოყენებისას ნიფედიპინს შეუძლია დოგისინის კლირენსის დაქვეითება და მისი პლაზმური დონის ზრდა. საჭიროა პაციენტის მონიტორინგი დიგოქსინის შესაძლო ჭარბი დოზირების სიმპტომების აღმოჩენის მიზნით. აუცილებლობისას, საგულე გლიკოზიდის დოზა მცირდება.

ქინიდინი: ერთდროული გამოყენებისას, ქინიდინის პლაზმური კონცენტრაცია მცირდება, ნიფედიპინის მოხსნის შემდეგ კი მატულობს. შესაბამისად საჭიროა ქინიდინის დოზის კორექტირება მათი ერთდროული გამოყენებისას და ნიფედიპინის მოხსნის შემდეგ. ასევე საჭიროა არტერიული წნევის მუდმივი კონტროლი ნიფედიპინის დოზის კორექტირების აუცილებლობის დასადგენად.

ტაკროლიმუსი:ტაკროლიმუსი მეტაბოლიზდება  ციტოქრომ P450 3A4 სისტემით. ზოგ შემთხვევაში საჭიროა ტაკროლიმუსის დოზის შემცირება ერთდროული მიღებისას. საჭიროა ტაკროლიმუსის პლაზმური კონცენტრაციის კონტროლი და მისი დოზის კორექტირება.

საკვებთან ურთიერთქმედება

გრეიფრუტის წვენი თრგუნავს ციტოქრომ P450 3A4 სისტემას.   გრეიფრუტის წვენი ზრდის ნიფედიპინის პლაზმურ კონცენტრაციას პირველი გავლის მეტაბოლიზმის და კლირენსის შემცირების ხარჯზე. შედეგად, ნიფედიპინის ჰიპოტენზიური ეფექტი  შეიძლება გაიზარდოს. გრეიფრუტის წვენის რეგულარული მიღებისას, ეს ეფექტი შეიძლება გაგრძელდეს გრეიფრუტის წვენის ბოლო მიღებიდან კიდევ მინიმუმ სამი დღის განმავლობაში.

ნიფედიპინით მკურნალობისას არ არის რეკომენდებული გრეიფრუტის / გრეიფრუტის წვენი მიღება.

ორსულობა და ლაქტაცია:

ორსულობა

არ გამოიყენება ორსულობის დროს.

ლაქტაცია

ნიფედიპინი გამოიყოფა დედის რძეში. არ არის გამორიცხული უარყოფითი ზეგავლენა ბავშვზე, შესაბამისად, პრეპარატის მიღების აუცილებლობისას ძუძუთი კვება უნდა შეწყდეს.

გვერდითი მოვლენები:

გვერდითი მოვლენების სიხშირე მოცემულია ქვემოთ. ხშირი(≥1/100 -< 1/10), იშვიათი (≥ 1/1,000 -< 1/100) ძალიან იშვიათი (≥ 1/10,000 -< 1/1,000). გვერდითი მოვლენები, რომელიც დაფიქსირდა მხოლოდ პოსტმარკეტინგულ კვლევებში, და რომლის სიხშირე ვერ შეფასდა- „ არ არის ცნობილი“.

  • კუჭ-ნაწლავის ტრაქტის მხრივ:
    • ხშირი:ყაბზობა.იშვიათი: მუცლის ტკივილი, გულისრევის შეგრძნება, დისპეფსია, მეტეორიზმი, პირის სიმშრალე. ძალიან იშვიათი: ღებინება, გასტრო-ეზოფაგური სფინქტერის უკმარისობა.
    • ნერვული სისტემის მხრივ: ხშირი:თავის ტკივილი. იშვიათი: თავბრუსხვევა, შაკიკი, ტრემორი, ძილის დარღვევები. ძალიან იშვიათი: პარ-/დიზესთეზია. უცნობი: ჰიპესთეზია, სომნოლენცია.
    • იმუნური სისტემის მხრივ:იშვიათი: ალერგიული რეაქციები, ანგიოედემა (ხორხის შეშუპების ჩათვლით). ძალიან იშვიათი:  ქავილი, ურტიკარია, გამონაყარი. უცნობი: ანაფილაქსია.
    • მხედველობის სისტემის მხრივ: იშვიათი: მხედველობის დარღვევები, ძალიან იშვიათი: თვალის ტკივილი.
    • გულ-სისხლძარღვთა სისტემის მხრივ:იშვიათი: ტაქიკარდია, გულის ცემის შეგრძნება. უცნობი: სტენოკარდიული შეტევა.
    • რესპირატორული ტრაქტი:იშვიათი: ცხვირის გაჭედვა, ცხვირიდან სისხლდენა. უცნობი: დისპნოე.
    • ჰეპატობილიარული დარღვევები:იშვიათი:  ღვიძლის ფერმენტების გარდამავალი ცვლილება.
    • კანი და კანქვეშა ქსოვილი:იშვიათი: ერითემა. უცნობი: ტოქსიური ეპიდერმული ნეკროლიზი, ფოტოსენსიბილიზაციის ალერგიული რეაქციები, პურპურა.
    • ძვალ-კუნთოვანი სისტემა:იშვიათი: კუნთების სპაზმი, სახსრების შეშუპება. უცნობი: სახსრების და კუნთების ტკივილი.

შარდგამომყოფი სისტემა: იშვიათი: პოლიურია, დიზურია.

რეპროდუქციული სისტემა: იშვიათი: ერექციის დარღვევები.

ზოგადი: ხშირი: დაღლილობის შეგრძნება.

ჭარბი დოზირება:

სიმპტომები

ვლინდება შემდეგი სიმპტომებით:

ცნობიერების დარღვევა, არტერიული წნევის ვარდნა, ტაქიკარდია, ბრადიკარდია, ჰიპერგლიკემია, მეტაბოლური აციდოზი, ჰიპოქსია, კარდიოგენული შოკი, ფილტვის შეშუპება.

მკურნალობა

ნიფედიპინის ელიმინაცია და გულსისხლძარღვათა სისტემის სიმპტომური მკურნალობა. საჭიროა პრეპარატის მაქსიმალური მოცილება შემდეგი შეწოვის პროფილაქტიკის მიზნით. გამოიყენება აქტივირებული ნახშირი (დოზით 50გ) პრეპარატის მიღებიდან 1 საათის განმავლობაში. ალტერნატიულად გამოიყენება კუჭის გამორეცხვა.

კარდიოგენული შოკის და არტერიული ვაზოდილატაციის ფონზე განვითარებული არტერიული ჰიპოტენზიის სამკურნალოდ გამოიყენება კალციუმის ხსნარი (10-20 მლ 10% კალციუმის გლუკონატის ხსნარი ინტრავენური 5-10 წუთიანი ინფუზიის სახით). აუცილებლობის შემთხვევაში შესაძლებელია მკურნალობის გაგრძელება ეკგ-ს მონიტორირებით. არტერიული წნევის არასაკმარისი მომატებისას კალციუმის პრეპარატის გამოყენების ფონზე გამოიყენება დოპამინი და ნორადრენალინი.

ბრადიკარდიის შემთხვევაში გამოიყენება ატროპინი, ბეტა-ადრენომიმეტიკები ან დროებითი კარდიოსტიმულატორი.

შეფუთვა:

10 რბილი ჟელატინის კაფსულა ბლისტერზე. 5 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები:

შეინახეთ არაუმეტეს 25°C ტემპერატურაზე ორიგინალ შეფუთვაში სინათლისაგან დაცულ და ბავშვებისათვის მიუწვდომელ ადგილას.

ვარგისობის ვადა:

24 თვე

გაცემის წესი:

ფარმაცევტული პროდუქტის ჯგუფი II - გამოიყენება ექიმის დანიშნულებით

მწარმოებელი:

OCEAN HEALTHCARE PVT. LTD. ინდოეთი

სავაჭრო ლიცენზიის მფლობელი:

სს „ჰუმანითი ჯორჯია“, საქართველო