ვინორელბინი-ჰუმანითი

სავაჭროდასახელება

ვინორელბინი-ჰუმანითი

VINORELBINE - HUMANITY

საერთაშორისოარადაპატენტებულიდასახელება

ვინორელბინი.

სამკურნალწამლოფორმა

კონცენტრატი საინექციო და საინფუზიო ხსნარის მოსამზადებლად.

შემადგენლობა

ყოველი მლ შეიცავს: აქტიურ ნივთიერებას: ვინორელბინის ტარტრატს 10მგ ვინორელბინის ექვივალენტური რაოდენობით.

დამხმარე ნივთიერებები: ღვინის მჟავა, საინექციო წყალი.

ფარმაკოთერაპიულიჯგუფი

ანტინეოპლაზიური და იმუნომამოდულირებელი საშუალებები, გველის სუროს ალკალოდიდები და ანალოგები.

ათქ კოდი: L01СА04 


ფარმაკოლოგიურითვისებები

ფარმაკოკინეტიკა

თერაპიული დოზების გამოყენებისას, დოზადამოკიდებული ფარმაკოკინეტიკა არ შეინიშნება. პრეპარატის 30მგ/მ2  დოზით ინტრავენური შეყვანის შემდეგ, 15-20 წთ-ის განმავლობაში, პლაზმაში პიკური კონცენტრაცია შეადგენს 480-1230მგ/მლ-ს და თანდათანობით მცირდება 2სთ-ის განმავლობაში. პრეპარატი მნიშვნელოვანი კონცენტრაციებით ნაწილდება პერიფერიულ ქსოვილებში. ვინორელბინი ადვილად აღწევს ქსოვილებში და გააჩნია განაწილების დიდი მოცულობა (Vსს=27–76ლ/კგ). პრეპარატის ყველაზე მაღალი კონცენტრაციები აღინიშნება ღვიძლში, ელენთაში, თირკმელებში, ფილტვებში, თიმუსში, გულში და კუნთებში. მინიმალური გავრცელება ხდება ცხიმოვან ქსოვილში, ძვლის ტვინში და ტვინის უჯრედებში. აღინიშნება ვინორელბინის მნიშვნელოვანი დაკავშირება თრომბოციტებთან და ლიმფოციტებთან. ადგილი აქვს ალბუმინთან დაკავშირებას. ამგვარად, პრეპარატის საერთო შეკავშირება სისხლის შრატში შეადგენს 69-91%-ს. მეტაბოლიზმი ხორციელდება ღვიძლში. ერთ-ერთ აქტიურ მეტაბოლიტს, დიაცეტილ-ვინორელბინს გააჩნია მსგავსი, სიმსივნის საწინააღმდეგო მოქმედება და ტოქსიკურობა. ვინორელბინი გამოიყოფა თირკმელებით (16–21%) და ნაღველით (34–58%). თირკმლისმიერი ელიმინაციის 2/3 აღინიშნება პირველი 24 სთ-ის განმავლობაში. ვინორელბინის პერიფერიული ქსოვილებიდან ნელი გამოყოფის გამო, ნახევარგამოყოფის პერიოდი ვარირებს 27.7სთ-დან 43.6სთ-მდე. ვინორელბინის 95% გამოიყოფა შარდთან ერთად, შეუცვლელი სახით.

ფარმაკოდინამიკა

ციტოსტატიკების ჯგუფის სიმსივნის საწინააღმდეგო საშუალება წარმოადგენს ვარდისფერი გველის სუროს ერთ-ერთი ალკალოიდის – ვინბლასტინის  ნახევრადსინთეზურ წარმოებულს. ვინბლასტინის მსგავსად, ცილა ტუბულინთან შეკავშირების გზით, ვინორელბინი ახდენს უჯრედების მიტოზის ბლოკირებას მეტაფაზიის სტადიაზე.

ვინორელბინი ვინბლასტინისგან და ამ ჯგუფის სხვა სამკურნალო საშუალებებისგან განსხვავდება სტრუქტურულად. ეს ანიჭებს ვინორელბინს მაღალსპეციფიკურ ანტიმიტოზურ თვისებებს და აძლიერებს მის ლიპოფილურობას. ვინორელბინი თითქმის არ ამჟღავნებს აქტივობას (მაღალი კონცენტრაციების გარდა) აქსონების მიკროტუბულების აპარატთან ან სხვა კლასის მიკროტუბულებთან მიმართებაში, რაც გველის სუროს სხვა ალკალოიდებისგან განსხვავებით, შესაძლოა დაკავშირებული იყოს მის მცირე ნეიროტოქსიკურობასთან.

გამოყენებისჩვენებები

- ფილტვის არაწვრილუჯრედოვანი კიბო:

-IV სტადიის ფილტვის არაწვრილუჯრედოვანი კიბოთი დაავადებულ პაციენტებში, ვინორელბინი გამოყენება მონოთერაპიის სახით ან  ცისპლატინთან კომბინაციაში;

-III სტადიის ფილტვის არაწვრილუჯრედოვანი კიბოთი დაავადებულ პაციენტებში ვინორელბინი გამოიყენება ცისპლატინთან კომბინაციაში.

- ძუძუს გავრცელებული კიბო.

გამოყენებისწესიდადოზირება

ვინორელბინის შეყვანა შესაძლებელია ნელი ინექციით (5-10 წთ-ის ხანგრძლივობით) 20–50მლ 0.9% ნატრიუმის ქლორიდის ხსნართში განზავების შემდეგ, ან ხანმოკლე ინფუზიის გზით (20–30 წთ-ის ხანგრძლივობის) 125მლ 0.9% ნატრიუმის ქლორიდის ხსნარში განზავების შემდეგ. პრეპარატის შეყვანის დასრულების შემდეგ, ვენის ჩარეცხვის მიზნით ყოველთვის შეყავთ 0.9% ნატრიუმის ქლორიდის ხსნარი.

ფილტვის არამცირეუჯრედოვანი კიბო.

- მონოთერაპიის სახით ფილტვის არაოპერაბელური არაწვრილუჯრედოვანი კიბოს IV სტადიის დროს:

მოზრდილები: 25 – 30 მგ/მ2 ინტრავენურად 6 – 10 წთ-ის განმავლობაში კვირაში ერთჯერ.

- ქიმიოთერაპიისათვის ცისპლატინთან კომბინაციაში, ფილტვის არაოპერაბელური არაწვრილუჯრედოვანი კიბოს III სტადიის დროს:

მოზრდილები: 25 – 30 მგ/მ2 ინტრავენურად 6 – 10 წთ-ის განმავლობაში კვირაში ერთჯერ ინტრავენურ ცისპლატინთან კომბინაციაში 1-ლ და 29-ე დღეს და შემდგომ ყოველ 6 კვირაში ერთხელ.

ძუძუს მეტასტაზური კიბოს დროს: 30მგ/მ2 ინტრავენურად 6 – 10 წთ-ის განმავლობაში კვირაში ერთჯერ მონოთერაპიის სახით ან სიმსივნის საწინააღმდეგო სხვა პრეპარატებთან კომბინაციაში.

გვერდითიმოვლენები

სისხლმბადი სისტემის მხრივ: გრანულოციტოპენია, აგრანულოციტოზი, ანემია.

პერიფერიული ნერვული სისტემის მხრივ: მყესების რეფლექსების დაქვეითება; იშვიათად – პარესთეზიები; ხანგრძლივი გამოყენებისას შესაძლებელია ქვედა კიდურების კუნთების მომატებული დაღლილობა.

კუჭ-ნაწლავისტრაქტისმხრივ:

გულისრევა, შედარებით იშვიათად – ღებინება; კუჭ-ნაწლავის ტრაქტის ავტონომიურ ნერვულ სისტემაზე მოქმედების გზით – ნაწლავების პარეზი, ყაბზობა, ერთეულ შემთხვევებში – პარალიზური ილეუსი; დიარეა.

იმუნურისისტემისმხრივ (ალერგიულირეაქციები):

ერთეულ შემთხვევებში შეიძლება გამოიწვიოს ჰაერის უკმარისობა და ბრონქოსპაზმი, ასევე ძალიან იშვიათად – კანის ადგილობრივი და გენერალიზირებული რეაქციები. ეს რეაქციები შეიძლება განვითარდეს პრეპარატის შეყვანიდან როგორც რამოდენიმე წუთში, ასევე რამოდენიმე საათში.

გულსისხლძარღვთასისტემისმხრივ

ერთეულ შემთხვევებში – მიოკარდიუმის იშემია (მიოკარდიუმის ინფარქტი, სტენოკარდია ან/და ეკგ-ს გარდამავალი ცვლილებები). სხვა: ალოპეცია (თანდათანობითი და ზომიერი), ყბის ტკივილი.

ადგილობრივი რეაქციები: ინტრავენური შეყვანის დროს პრეპარატის ჩაღვრამ შესაძლოა გამოიწვიოს ადგილობრივი რეაქციები, ანთება და ქსოვილების ნეკროზიც კი.

უკუჩვენებები

- ნეიტროფილების საწყისი დონე 1.0X109/ლ-ზე ნაკლები.

- ვინორელბინის ინტრათეკალური შეყვანა (გამოხატული გამაღიზიანებელი ეფექტის გამო).

- ვინორელბინის კუნთში ან კანქვეშ შეყვანა (კანის და რბილი ქსოვილების ნეკროზის რისკის გამო).

- ცოტა ხნის წინ გადატანილი ინფექცია.

- ვინორელბინის მიმართ ჰიპერმგრძნობელობა.

- ღვიძლის ფუნქციის მძიმე დარღვევა, რომელიც არ არის დაკავშირებული სიმსივნურ პროცესთან.

- ორსულობა.

- ლაქტაცია.

- 18 წლამდე ასაკის ბავშვები.

სხვაწამლებთანურთიერთქმედება

არსებობს ცნობები სასუნთქი სისტემის მხრივ მძიმე გართულებების შესახებ, ვინორელბინის გამოყენებისას მიტომიცინთან ერთად. გართულებების მკურნალობის დროს შესაძლებებლია ჟანგბადის, ბრონქოდილატატორების, კორტიკოსტეროიდების გამოყენება; აღნიშნული განსაკუთრებით ეხება პაციენტებს, სასუნთქი სისტემის ფუნქციების საწყისი დარღვევებით.

ნეიტროპენიის, ვესტიბულური გართულებების და ოტოტოქსიკურობის განვითარების სიხშირე მნიშვნელოვნად იმატებს ვინორელბინის გამოყენებისას ცისპლატინთან კომბინაციაში, ვიდრე ვინორელბინით მონოთერაპიის დროს.

იმუნური სისტემის და ძვლის ტვინის ფუნქციის სუპრესორებთან (სხვა სიმსივნის საწინააღმდეგო და იმუნოსუპრესორული პრეპარატები) ერთდროული გამოყენებისას შესაძლოა გაძლიერდეს არასასურველი გვერდითი მოვლენები.

პაციენტებში, რომლებიც იტარებენ ვინორელბინით მკურნალობას პაკლიტაქსელთან კომბინაციაში, საჭიროა ყურადღება, ნეიროპათიის სიმპტომების შესაძლო განვითარების გამო.

ვინორელბინის გამოყენება იმ პაციენტებში, რომლებიც წარსულში ან ამჟამად იტარებენ რადიაციულ მკურნალობას, შესაძლოა გამოიწვიოს შექცევადი რადიაციული რეაქცია.

ვინორელბინი ზრდის ბლეომიცინის მიმართ მგრძნობიარე უჯრედების რაოდენობას, მეტაფაზის სტადიაში გაჩერების გზით.

ცოცხალ ვირუსულ ვაქცინებთან ერთდროული გამოყენებისას, პაციენტებში, დაქვეითებული იმუნური სისტემის მდგომარეობით, ვითარდებოდა სერიოზული და ფატალური ინფექციები.

პაციენტებში, რომლებიც ერთდროულად იღებენ ანტიკოაგულანტებს, ანთების საწინააღმდეგო არასტეროიდულ საშუალებებს, თრომბოციტების აგრეგაციის ინჰიბიტორებს, მათ შორის ასპირინს, სტრონციუმის-89-ქლორიდს და თრომბოლიზურ საშუალებებს, იზრდება სისხლდენების განვითარების რისკი.

პრეპარატებს, რომლებიც ურთიერთქმედებენ ციტოქრომ P450-თან, მაგ., მაკროლიდები, აზოლის ჯგუფის სოკოს საწინააღმდეგო საშუალებები, ანტირეტროვირუსული პროტეაზას ინჰიბიტორები, ნიფედიპინი, ნეფაზოდონი, კარბამაზეპინი, ფენობარბიტალი, რიფამპიცინი და რიფაბუტინი, შეუძლიათ ვინორელბინის მეტაბოლიზიმის დარღვევა; თუმცა კლინიკურად უმნიშვნელო. იმის გათვალისწინებით, რომ ვინორელბინი ავლენს ტოქსიკურ მოქმედებას სწრაფად მზარდი უჯრედების მიმართ, სარგრამოსტიმის (გმ-კმფ), ფილგრასტიმის (გ-კმფ) გამოყენება უკუნაჩვენებია ვინორელბინის გამოყენებიდან 24 სთ-ის განმავლობაში. დაუშვებელია პრეპარატის შერევა სხვა სამკურნალო საშუალებებთან ერთ შპრიცში.

განსაკუთრებულიმითითებები

შეყვანამდე ვინორელბინს აზავებენ ინტრავენური გამოყენების ხსნარში, შპრიცში ან ფლაკონში (ტომარაში).

შპრიცში: ვინორელბინის დაანგარიშებულ დოზას აზავებენ 0.9% ნატრიუმის ქლორიდის ან 5% გლუკოზის საინექციო ხსნარში 1.5მგ/მლ კონცენტრაციამდე.

ფლაკონში (ტომარაში) ინტრავენური გამოყენების ხსნართან ერთად: ვინორელბინის დაანგარიშებულ დოზას აზავებენ 0.9% ნატრიუმის ქლორიდის, 5% გლუკოზის, რინგერის ან რინგერ ლაქტატის საინექციო ხსნარში 0.5 – 2.0მგ/მლ კონცენტრაციამდე. შპრიცით განზავებული ხსნარი შეიყვანება გადასასხმელი სისტემის საშუალებით 6 – 10 წთ-ის განმავლობაში. ვინორელბინის ინექციის დასრულების დროს, რეკომენდებულია მინიმუმ 75-125 მლ ზემოთ აღნიშნული გამხსნელის ნაკადურად შეყვანა.

ვინორელბინით მკურნალობა უნდა ჩატარდეს მხოლოდ სპეციალიზირებულ სტაციონარებში, ქიმიოთერაპიული საშუალებებით მკურნალობის გამოცდილების მქონე პერსონალის მიერ.

მკურნალობის დაწყებამდე, ასევე ვინორელბინის ყოველი შემდგომი გამოყენების წინ, საჭიროა პერიფერიული სისხლის კონტროლი. თუ გრანულოციტების რიცხვი ნაკლებია 2000/მკლ-ზე, შემდგომ მკურნალობას არ ატარებენ და გადადებენ მას გრანულოციტების უსაფრთხო დონის მიღწევამდე.

ვინორელბინი სიფრთხილით გამოიყენება ღვიძლის ფუნქციის დარღვევის მქონე პაციენტებში, ასეთ შემთხვევაში დოზას ამცირებენ. ვინორელბინის გამოყენების ფონზე, ღვიძლის არეში რენტგენოთერაპიას არ ატარებენ. დაუშვებელია სტომატოლოგიური პროცედურების ჩატარება მკურნალობის დაწყებამდე ან მკურნალობის შემდეგ სისხლის ნორმალური სურათის აღდგენამდე.

ი.ვ. ინფუზიის დროს დაუშვებელია ექსტრავაზაცია. ვინორელბინის ვენის გარშემო ქსოვილებში მოხვედრა იწვევს ტკივილის, ანთების და მძიმე შემთხვევებში – ნეკროზის განვითარებას.

მოერიდეთ ვინორელბინის მოხვედრას თვალებში.

ქალებმა და მამაკაცებმა, მკურნალობის დროს და მკურნალობის დასრულებიდან სულ მცირე 6 თვის განმავლობაში, უნდა გამოიყენონ კონტრაცეფციის საიმედო საშუალებები.

- ორსულობა და ლაქტაცია. ორსულობის და ლაქტაციის დროს პრეპარატის გამოყენება აკრძალულია.

- პრეპარატის გავლენა სატრანსპორტო საშუალებების მართვასა და პოტენციურად საშიშ მექანიზმებთან მუშაობის უნარზე. მონაცემები არ არსებობს.

ჭარბიდოზირება

რეკომენდებულზე 10-ჯერ მეტი დოზის (30მგ/მ2) გამოყენების შემთხვევაში, არსებობს ცნობები ჭარბი დოზირების შესახებ. ჭარბი დოზირების ძირითად გართულებას წარმოადგენს ძლიერი ნეიტროპენია, ინფექციის განვითარების, პარალიზური გაუვალობის, სტომატიტის და ეზოფაგიტის მომატებული რისკით. ასევე არსებობს ცნობები ძვლის ტვინის აპლაზიის, სეფსისის და პარეზის შესახებ. ჭარბი დოზირების შემთხვევაში ნაჩვენებია ზოგადი შემანარჩუნებელი მკურნალობა, საჭიროების შემთხვევაში სისხლის გადასმის, ზრდის ფაქტორის და ანტიბიოტიკების გამოყენებით. ანტიდოტი უცნობია. 

გამოშვებისფორმადაშეფუთვა

10მგ/1მლ კონცენტრატი საინფუზიო ხსნარის მოსამზადებლად, ფლაკონი №1. ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

50მგ/5მლ კონცენტრატი საინფუზიო ხსნარის მოსამზადებლად, ფლაკონი №1. ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

შენახვისპირობები

შეინახეთ 2–8С ტემპერატურაზე, სინათლისგან დაცულ და ბავშვებისათვის მიუწვდომელ ადგილზე.

ვარგისობისვადა

2 წელი.

არ გამოიყენოთ კოლოფზე მითითებული ვარგისობის ვადის გასვლის შემდეგ.

აფთიაქიდანგაცემისპირობები

გაიცემა რეცეპტით.

მწარმოებელი

NV Remedies Pvt.Ltd.,  ინდოეთი

სავაჭროლიცენზიისმფლობელი

სს ,,ჰუმანითი ჯორჯია”, საქართველო