პარდიპი-ჰუმანითი

სავაჭრო დასახელება

პარდიპი-ჰუმანითი

საერთაშორისო არაპატენტური დასახელება

პარაცეტამოლი

დიკლოფენაკ ნატრიუმი

სამკურნალწამლო ფორმა

ტაბლეტები

შემადგენლობა:

თითოეული ტაბლეტი შეიცავს

პარაცეტამოლს  500 მგ

ნატრიუმის დიკლოფენაკს  50 მგ

ფარმაკოთერაპიული ჯგუფი

ანთების საწინააღმდეგო და ანტირევმატული საშუალებები, ძმარმჟავას წარმოებულები და მონათესავე ნივთიერებები.

ათქ კოდი: M01AB55


ფარმაკოლოგიური თვისებები

ფარმაკოკინეტიკა

პარაცეტამოლი ადვილად შეიწოვება კუჭ-ნაწლავის ტრაქტიდან და პლაზმაში მისი მაქსიმალური კონცენტრაცია მიიღწევა პერორალური მიღებიდან 10-60 წუთში. პარაცეტამოლი ნაწილდება ორგანიზმის ქსოვილების უმრავლესობაში. იგი გაივლის პლაცენტას და ასევე ხვდება ძუძუს რძეში. ჩვეულებრივი თერაპიული დოზების შემთხვევაში პლაზმის ცილებთან შეკავშირება უმნიშვნელოა, მაგრამ კონცენტრაციის გაზრდისას ისიც იზრდება. პარაცეტამოლის ნახევრადგამოყოფის დრო ვარირებს -1-დან 3 საათამდე. პარაცეტამოლი უპირატესად ღვიძლში მეტაბოლიზდება და გამოიყოფა შარდთან ერთად ძირითადად გლუკურონიდის და სულფატის კონიუგატების სახით. 5%-ზე ნაკლები გამოიყოფა როგორც შეუცვლელი პარაცეტამოლი. მცირედი ჰიდროქსილირებული მეტაბოლიტი (N-აცეტილ პ ბენზოქინონეიმინი), რომელიც ჩვეულებრივ ძალიან მცირე რაოდენობით წარმოიქმნება შერეული ფუნქციის ოქსიდაზის გავლენით ღვიძლში და თირკმლებში, ჩვეულებრივ დეტოქსიცირდება გლუტათიონთან კონიუგაციით, მაგრამ პარაცეტამოლის ზედოზირებისას შესაძლოა დაგროვდეს და გამოიწვიოს ქსოვილთა დაზიანება.

დიკლოფენაკ ნატრიუმი სწრაფად და სრულად შეიწოვება ნაწლავში ხსნადი ფორმიდან კუჭის გავლის შემდეგ. ერთი ტაბლეტის გადაყლაპვისას  საკვებთან ერთად ან კვების შემდეგ, იგი უფრო ნელა გაივლის კუჭს, ვიდრე ჭამის წინ მიღებისას, თუმცა შეწოვილი აქტიური ნივთიერების რაოდენობა არ იცვლება. პლაზმაში საშუალო პიკური კონცენტრაცია - 1.5 მკგ/მლ (5 mმოლ/ლ მიიღწევა ერთი 50 მგ-იანი ტაბლეტის ჩაყლაპვიდან 2 საათში). პლაზმაში კონცენტრაცია ხაზოვან დამოკიდებულებაშია დოზის სიდიდესთან.

ფარმაკოდინამიკა

რევმატოლოგიური დაავადებების დროს პარდიპ-ჰუმანიტის ანთების საწინააღმდეგო და ანალგეზიური თვისებები ვლინდება კლინიკური პასუხით, რომნელიც ხასიათდება ისეთი სიმპტომებისა და ნიშნების საგრძნობი შემცირებით, როგორიცაა ტკივილი მოსვენებულ მდგომარეობაში ან მოძრაობისას, დილის შებოჭილობა, სახსრების შეშუპება, ასევე ცხელებასთან ასოცირებული სახსრების ფუნქციის გაუმჯობესება.

პარაცეტამოლს აქვს ანალგეზიური და სიცხის დამწევი მოქმედება, მაგრამ მხოლოდ სუსტი ანთების საწინააღმდეგო თვისებები. იგი ამცირებს ტემპერატურას, თავის ტკივილს და უზრუნველყოფს ტკივილის შემსუბუქებას.

მოქმედების მექანიზმი:

აცეტამინოფენის მოქმედების ზუსტი მექანიზმი ცნობილი არ არის. ასპირინისაგან განსხვავებით, აცეტამინოფენი უპირველეს ყოვლისა ცენტრალურ მოქმედებას ავლენს, არ ახდენს გავლენას თრომბოციტების აგრეგაციაზე და არის პროსტაგლანდინების (PG) სინთეზში ჩართული ფერმენტის - ციკლოოქსიგენაზას, შექცევადი ინჰიბიტორი.  ანტიპირექსიული აქტივობა რეალიზდება ჰიპოთალამუსის თერმორეგულაციის ცენტრის ენდოგენური პიროგენის ეფექტის ბლოკირებით, სავარაუდოდ PG სინთეზის ინჰიბირების გზით. ტემპერატურის გაბნევა ხდება ვაზოდილატაციის გზით, პერიფერიული სისხლის ცირკულაციის გაძლიერებით და ოფლდენით. ანალგეზიური ეფექტი შესაძლოა რეალიზდება ტკივილის ზღურბლზე პირდაპირი მოქმედებით. ითვლება, რომ ეს ეფექტი განპირობებულია PG სინთეზის დათრგუნვით ან ქიმიური მედიატორებისა და სხვა იმ ნივთიერებების მოქმედების დათრგუნვით, რომლებიც ახდენენ ტკივილის რეცეპტორების სენსიტიზაციას მექანიკური ან ქიმიური სტიმულაციის მიმართ. აცეტამინოფენს პერიფერიული ანთების საწინააღმდეგო მოქმედება არ გააჩნია.

დიკლოფენაკ ნატრიუმი  არის არასტეროიდული ანთების საწინააღმდეგო პრეპარატი (NSAID). ფარმაკოლოგიურ კვლევებში დიკლოფენაკმა გამოავლინა ანთების საწინააღმდეგო, სიცხის დამწევი და ტკივილგამაყუჩებელი მოქმედება. ისევე, როგორც სხვა NSAIDs შემთხვევაში, მისი მოქმედების მექანიზმი უცნობია. შესაძლოა მის მიერ პროსტაგლანდინების სინთეზის დათრგუნვის უნარი მონაწილეობდეს მის ანთების საწინააღმდეგო ეფექტში და ასევე ანთებასა და პირველად დისმენორეასთან დაკავშირებული ტკივილის შემსუბუქებაში. დიკლოფენაკი ნარკოტიკულ საშუალებების ჯგუფს არ მიეკუთვნება.

ნაჩვენებია, რომ დიკლოფენაკი ეფექტურია ტკივილის შესამცირებლად, მათ შორის პოსტოპერაციული ტკივილის: კბილის ექსტრაქციის, ტონზილექტომიის, მუხლის ართროსკოპიული პროცედურების, დიდი ორთოპედიული ოპერაციების და ბარძაყის სახსრის პროთეზირების შემდეგ. დიკლფენაკის მოქმედება რევმატოიდული ართრიტის დროს კარგადაა შესწავლილი.

მოქმედების მექანიზმი:

NSAIDs მოქმედებს პროსტაგლანდინების სინთეზის დათრგუნვის გზით. ოსტეოართრიტია და რევმატოიდული ართრტის დროს ქსოვილის დაზიანება განაპირობებს უჯრედების მემბრანების ნაწილებიდან პროსტაგლადინების გამოყოფას. პროსტაგლანდინები იწვევენ შესუპებას, უჯრედულ ექსუდაციას და ტკივილს.  NSAIDs სხვადასხვა ხარისხით აინჰიბირებენ ციკლოოქსიგენაზას, ფერმენტს, რომელიც არაქიდონის მჟავას პროსტაგლანდინებად გადაქცევაში ასრულებს როლს.

ჩვენებები

ანთების საწინააღმდეგო და ანალგეზიური ეფექტის გამო, იგი ნაჩვენებია შემდეგი მდგომარეობებისას:

რევმატოიდული ართრიტი,

ოსტეოართრიტი,

წელის ტკივილი,

მაანკილოზებელი სპონდილიტი,

პოდაგრა,

კუნთისა და ჩონჩხის მწვავე დაავადებები,

პერიართრიტი(„გაყინული მხარი“)

ტენდინიტი,

ტენდოსინოვიტი,

ბურსიტი,

დაჭიმულობები და ამოვარდნილობები,

ოპერაციის შემდგომი მტკივნეული მდგომარეობები,

კბილის ქირურგიის შემდგომი ტკივილი,

მტკივნეული, ანთებითი გინეკოლოგიური მდგომარეობები და ცხელება

დოზირება

როგორც წესი, საწყისი სადღეღამისო დოზა ზრდასრულთათვის არის 1 ტაბლეტი 2-3-ჯერ დღეში, ან ექიმის დანიშნულების მიხედვით. წამლის მიღება უნდა მოხდეს ჭამის დროს ან ჭამის შემდეგ.

ხანგრძლივი მკურნალობისათვის საკმარისია 1 ტაბლეტი დღეში 2-ჯერ.

ტაბლეტის გადაყლაპვა უნდა მოხდეს მთლიანად, სითხის მიყოლებით, უმჯობესია ჭამის  დროს.

პარდიპ- ჰუმანითი არ ინიშნება 14 წლამდე ასაკის ბავშვებში.

გვერდითი ეფექტები

კუჭ-ნაწლავის დარღვევები, ნეფროზული სინდრომი,ღებინება, ფაღარათი, პეპტიური წყლული და სისხლდება კუჭ-ნაწლავის ტრაქტიდან. თავის ტკივილი, თავბრუ, გამონაყარი კანზე, შეშუპება, ძილიანობა, ალერგიული რეაქციები, დეპრესია, ძილის დარღვევა და მხედველობის დაბინდვა. ღვიძლის ფუნქციის დარღვევა. აგრანულოციტოზი და თრომბოციტოპენია.

უკუჩვენებები

მომატებული მგრძობელაბია დიკლოფენაკ ნატრიუმის ან პარაცეტამოლის მიმართ

პეპტიური წყლული

პაციენტები ასთმით, რომლებშიც ასთმის შეტევები, ურტიკარია ან მწვავე რინიტი პროვოცირდება აცეტილსალიცილის მჟავით, ან სხვა, პროსტაგლანდინ-სინთეტაზას დათრგუვის პოტენციალის მქონე პრეპარატებით.

წმლებთან ურთიერთქმედება

პარაცეტამოლი - მედიკამენტები, რომლებიც იწვევენ ღვიძლის მიკროსომული ფერმენტების ინდუქციას, მაგ. ალკოჰოლი. პარაცეტამოლთან ერთად ბარბიტურატებისა და ტრიციკლური ანტიდეპრესნტების პარალელურად, განსაკუთრებით მაღალი დოზით პარაცეტამოლის მიღებამ, შესაძლოა გაზარდოს ჰეპატოტოქსიურობა. ანტიკონვულსანტებსა და პერორალურ სტეროიდულ კონტრაცეპტივებს აქვთ უნარი ღვიძლის ფერმენტების ინდუქციის და ამიტომ შეიძლება შეამცირონ პლაზმაში პარაცეტამოლის დონე. პარაცეტამოლის შეწოვა შეიძლება დაჩქარდეს მეტოკლოპრამიდის ან დომპრიდონის მიღებით და შენელდეს ქოლესტირამინის გავლენით. ვარფარინისა და სხვა კუმარინების ანტიკოაგულაციური ეფექტი შეიძლება გაძლიერდეს პრაცეტამოლის ხანგრძლივი, რეგულრული მიღების დროს და, შედეგად, გაიზარდოს სისხლდენის რისკი; იშვიათი მიღება მნიშვნელოვან გავლენას არ ახდენს.

დიკლოფენაკ ნატრიუმი - სალიცილის მჟავა დიკლოფენაკს მისი შეკავშირების ადგილებიდან აშორებს და, შესაბამისად, ზრდის მის კლირენსს. დიკლოფენაკი ამცირებს ლითიუმის კლირენსს, ანუ ზრდის პლაზმაში ლითიუმის კონცენტრაციას, რასაც შემდეგში ლითიუმით ინტოქსიკაციის რისკს ზრდის. NSAIDs არ უნდა იქნას მიღებული მეტოტრექსატის პარალელურად, რადგან დიკლოფენაკის შემთხვევაში აღწერილია ინტოქსიკაციის (ზოგჯერ ფატალურის) შემთხვევები. დიკლოფენაკმა შესაძლოა გაზარდოს პლაზმაში დიგოქსინის კონცენტრაცია.

სპეციალური გაფრთხილებები

პრეპარატის გამოყენება არ არის რეკომენდებული ასთმის დროს. ასპირინი/ანთების საწინააღმდეგო პრეპარატები იწვევენ ალერგიას, სისხლდენებს, გულსისხლძარღვთა დარღვევებს. პაციენტებს, რომლებიც ხანგრძლივად იღებენ მათ, პერიოდულად უნდა ჩაუტარდეთ სისხლის ანალიზი.

სიფრთხილეა საჭირო ასაკოვან პაციენტებში, რომელთაც გვერდითი ეფექტები უფრო ხშირად უვითარდებათ.

ორსულობა და ლაქტაცია: პრეპარატის ორსულობის დროს მიღება რეკომენდებულია თავიდან უნდა იქნას აცილებული. დიკლოფენაკ ნატრიუმი პერორალურად მიღებისას, გადადის დედის რძეში, თუმცა იმდენად უმნიშვნელო რაოდენობით, რომ ჩვილზე მისი არასასურველი გავლენა მოსალოდნელი არ არის.

დოზის გადაჭარბება

სიმპტომები:

პარაცეტამოლი - გულისრევა, ღებინება, სისუსტე და ტკივილი მუცელში არის ინტოქსიკაციის ადრეული ნიშნები, რომლებიც 2-3 საათში ჩნდება. ღვიძლზე ტოქსიური გავლენის სიმპტომების გამოვლენამდე არის 24-36 საათის ხანგრძლივობის ლატენტური პერიოდი.

დიკლოფენაკ ნატრიუმი - გასტროინტესტინური გვერდითი ეფექტები შეიძლება მოიცავდეს გაღიზიანებას, სისხლმდენ ულცერაციას და პერფორაციასაც კი, რაც უმეტესად ასოცირდება მაღალი დოზების ხანგრძლივ მიღებასთან.

მკურნალობა:

მწვავე ზედოზირების შემთხვევაში რეკომენდებულია კუჭის დაცლა ღებინების გამოწვევით. ფორსირებული დიურეზი თეორიულად შეიძლება სასარგებლო იყოს რადგან წამალი შარდთან ერთად გამოიყოფა. დიალიზის ან ჰემოპერფუზიის ეფექტი დიკლოფენაკის ელიმინაციისათვის დადასტურებული არ არის. აცეტილცისტეინის (ან ზოგჯერ მეთიონინის) მოხმარება ზრდის გლუტათიონის მარაგს სავარაუდოდ ასტიმულირებს პარაცეტამოლის არატოქსიურ მეტაბოლიზმს.

შეფუთვა

4 ტაბლეტი მოთავსებულია სტრიპზე, თითოეული სტრიპი მოთავსებულია დამჭერში, 50 დამჭერი გამოყენების ინსტრუქციასთან ერთად მოთავსებულია მუყაოს კოლოფში.

შენახვა

შეინახეთ არაუმეტეს 25°C  ტემპერატურაზე ბავშვებისათვის მიუწვდომელ ადგილას

ვარგისობის ვადა

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი

MEPRO PHARMACEUTICALS PVT. LTD.,ინდოეთი

სავაჭრო ლიცენზიის მფლობელი
სს "ჰუმანითი ჯორჯია", საქართველო