ბოლი სპაზმი

სავაჭრო დასახელება

ბოლი სპაზმი

საერთაშორისო არაპატენტირებული დასახელება

ნატრიუმის მეტამიზოლი, პიტოფენონის ჰიდროქლორიდი და ფენპივერინიუმის ბრომიდის ტაბლეტები

სამკურნალწამლო ფორმა

ტაბლეტები

შემადგენლობა

ყოველი ტაბლეტი შეიცავს:

მეტამიზოლ ნატრიუმს  500მგ

პიტოფენონის ჰიდროქლორიდს                 5.0მგ

ფენპივერინიუმის ბრომიდს                       0.1 მგ

ფარმაკოთერაპიული ჯგუფი

გასტროინტესტინური სისტემის ფუნქციონალური დარღვევების სამკურნალო პრეპარატები, სინთეზური ანტიქოლინერგული საშუალებები ანალგეზურებთან კომბინაციაში.

ათქ. კოდი: A03DA02


ფარმაკოლოგიური თვისებები

ფარმაკოკინეტიკა

ნატრიუმის მეტამიზოლი სწრაფად და სრულად შეიწოვება საჭმლის მომნელებელი ტრაქტიდან, მეტაბოლიზდება ღვიძლში სხვადასხვა მეტაბოლიტებად და მიღებული დოზის მხოლოდ 3% გამოიყოფა უცვლელი სახით თირკმელებით. მისი ნახევარგამოყოფის პერიოდი სისხლში დაახლოებით 2.7 საათია.

ფარმაკოდინამიკა

ფარმაკოლოგიური მოქმედება

ნატრიუმის მეტამიზოლი, პიტოფენონის ჰიდროქლორიდი და ფენპივერინიუმის ბრომიდი წარმოადგენს კომბინირებულ პრეპარატს და მიეკუთვნება ტკივილგამაყუჩებელ და სპაზმოლიზურ პრეპარატთა ჯგუფს. ნატრიუმის მეტამიზოლს გააჩნია ტკივილგამაყუჩებელი, სიცხის დამწევი და ანთების საწინააღმდეგო მოქმედება. პიტოფენონი ამჟღავნებს პირდაპირ მიოტროპიულ მოქმედებას შინაგან გლუვ კუნთებზე.

ანტიქოლინერგიული მოქმედების გამო ფენპივერინიუმის ბრომიდს გააჩნია დამატებითი მიორელაქსანტური მოქმედება გლუვ კუნთებზე. მოცემული სამი აქტიური ნივთიერების კომბინაცია იწვევს სინერგიზმს ტკივილის მოხსნის, გლუვი კუნთების რელაქსაციის და ტემპერატურის დაწევის ფარმაცევტულ ეფექტზე.

ნატრიუმის მეტამიზოლს გააჩნია როგორც ტკივილგამაყუჩებელი, ასევე ანტისპაზმოლიზური მოქმედება. მოცემული სპაზმოლიზური მოქმედება გაძლიერებულია პაპავერინის ანალოგის, პიტოფენონის ჰიდროქლორიდის მიერ, ასევე პარასიმპათოლიზური მოქმედების კომპონენტის, ფენპივერინიუმის ბრომიდის მიერ.

გამოყენების ჩვენებები

გლუვი კუნთების მტკივნეული სპაზმები-თირკმლის კოლიკა,  შარდსაწვეთის სპაზმები, შარდის ბუშტის ტენეზმები, სანაღვლე გზების კოლიკა,  სანაღვლე გზების დისკინეზია, ნაწლავის და კუჭის კოლიკა, სპასტიური დისმენორეა, ბრონქული ასთმის მსუბუქი და საშუალო სიმძიმის პაროქსიზმი .

დოზირება და მიღების წესი

მოცემული დოზების მიღება ხდება დღეში სამჯერ:

მოზრდილები და მოზარდები 15 წლიდან: 1-2 ტაბლეტი

ბავშვები 7-14 წლის: ½  - 1 ტაბლეტი.

ტაბლეტები უნდა გადაიყლაპოს მთლიანად სითხის მიყოლებით.

გვერდითი მოვლენები

ჩამოთვლილია პრეპარატთან ასოცირებული შესაძლო გვერდითი მოვლენები, რომელთაც შეუძლიათ სხვადასხვაგვარად იმოქმედონ პაციენტებზე. თუ ინსტრუქციაში მითითებულია გვერდითი მოვლენა, ეს იმას არ ნიშნავს, რომ უნდა განვითარდეს ყველა პაციენტში ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატის გამოყენებისას.

ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატი როგორც წესი, კარგად გადაიტანება. ზოგჯერ შესაძლებელია ალერგიული რეაქციების (კანი გამონაყარი, ქავილი), მუცლის ტკივილი, პირის სიმშრალე, თვის ტკივილი, თავბრუსხვევა, არტერიული წნევის შემცირება, ციანოზი და პოლიკარდიის განვითარება. ხანგრძლივი გამოყენებისას - თრომბოციტოპენია, ლეიკოპენია და ნეიტროპენიის განვითარება.

უკუჩვენებები

ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატის გამოყენება დაუშვებელია შემდეგი მდგომარეობების დროს;

  • პრეპარატის რომელიმე ნივთიერების მიმართ ჰიპერმგრძნობელობა
  • სისხლის დისკრაზიები
  • ძვლის ტვინის დათრგუნვა
  • კუჭის ან 12-გოჯა ნაწლავის აქტიური წყლული
  • ღვიძლის ან თირკმლის მწვავე უკმარისობა
  • პარალიზური ილეუსი
  • ორსულობა და ლაქტაცია

პრეპარატებთან ურთიერთქმედება

ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატის გამოყენებამდე აუცილებლად აცნობეთ ექიმს ან ფარმაცევტს, თუ რა სახის პრეპარატებს იღებთ, მათ შორის ურეცეპტოდ გაცემულ და მცენარეულ პრეპარატებს. ასევე მოცემული პრეპარატის მიღების დროს რჩევისთვის მიმართეთ ექიმს ან ფარმაცევტს სხვა პრეპარატების მიღების დაწყებამდე იმისათვის რომ დარწმუნდეთ კომბინაციის უსაფრთხოებაში.

  • ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატის და სხვა აასს-ების კომბინაციამ შესაძლებელია გაზარდოს გვერდითი მოვლენების რისკის გაზრდა.  დაუშვებელია ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატის გამოყენება ანტიდეპრესანტებთან, კონტრაცეპტივებთან და ალოპურინოლთან ერთად.
  • ბარბიტურატები, ფენილბუტაზონი და ღვიძლის  მიკროსომული ფერმენტების სხვა ინდუქტორები ამცირებენ მეტაბოლიზმის მოქმედებას.
  • სედაციური და ანტიფსიქოზური პრეპრატები ზრდიან ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატის ტკივილგამაყუჩებელ ეფექტს.
  • ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატი ზრდის სისხლში ციკლოსპორინების დონეებს.

განსაკუთრებული გაფრთხილებები

არ არის რეკომენდებული ნატრიუმის მეტამიზოლის, პიტოფენონის ჰიდროქლორიდის და ფენპივერინიუმის ბრომიდის კომბინირებული პრეპარატის გამოყენება პაციენტებში კუჭ-ნაწლავის ტრაქტის წყლულის ისტორიის, მწვავე ხანგამოშვებითი პორფირიის, გლუკოზო-6-ფოსფატის დეფიციტის, ანემიის, ჰიპერტენზიის, გულის უკმარისობის, სითხის შეკავების, სისხლძარღვთა უკმარისობის ტენდენციის, წინამდებარე ჯირკვლის ჰიპერტროფიის დროს; დახურულკუთხოვანი გლაუკომას, ნაწლავის გაუვალობის მექანიკური მიზეზების, მეგაკოლონის შემთხვევაში.

ბრონქული ასთმის ან ქრონიკული რესპირატორული ინფექციების დროს, პაციენტებში სხვა ჰიპერმგრძნობიარე რეაქციების, ასევე არასამედიცინო საშუალებების მიმართ რეაქციების ისტორიით, მიეკუთვნებიან რისკ ჯგუფს, რომელთაც ტკივილგამაყუჩებელი ან ანტირევმატიული საშუალებების მიღებისას შესაძლებელია განუვითარდეთ შოკი (ტკივილგამაყუჩებლების აუტანლობა). მსგავსი წინასწარგანწყობა შესაძლებელია ასევე პაციენტებში, რომელთაც აღენიშნებათ რეაქცია მცირე რეოდენობით გამოყენებული ალკოჰოლური სასმელების მიმართ ცემინების, ცრემლდენის და სახის ძლიერი გაწითლების სახით.

ჭარბი დოზირება

შემთხვევითი მოწამვლის ან ჭარბი დოზირების შემთხვევაში ტოქსიური ეფექტების მკურნალობა სიმპტომური და შემანარჩუნებელია.

გამოშვების ფორმა და შეფუთვა

ალუ/პვქ ბლისტერზე 10 ტაბლეტი, 2 ბლისტერი გამოყენების ინსტრუქციასთან ერთად მოთავსებულია კოლოფში.

შენახვის პირობები:

შეინახეთ არაუმეტეს 25°C ტემპერატურაზე ორიგინალ შეფუთვაში სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა

36 თვე

აფთიაქიდანგაცემისპირობები

ფარმაცევტული პროდუქტის ჯგუფი III - გამოიყენება ექიმის დანიშნულების გარეშე

მწარმოებელი

UNIMAX LABORATORIES

ინდოეთი

სავაჭრო ლიცენზიისმფლობელი

სს “ჰუმანითი ჯორჯია”, საქართველო