დიკლოფენაკი-ჰუმანითი

სავაჭრო დასახელება:

დიკლოფენაკი-ჰუმანითი

საერთაშორისო არაპატენტირებული დასახელება: 

დიკლოფენაკი

სამკურნალწამლო ფორმა:

გელი

შემადგენლობა:

დიკლოფენაკის დიეთილამინი 1.16% w/w,  1% w/w  დიკლოფენაკისნატრიუმის ექვივალენტური რაოდენობით

ფარმაკოთერაპიული ჯგუფი:

ძვალ–კუნთოვანი სისტემის დაავადებების სამკურნალო პრეპარატები გარეგანი გამოყენებისათვის, ადგილობრივი გამოყენების ანთების საწინააღმდეგო არასტეროიდული საშუალებები

ათქ კოდი: M02AA15


ფარმაკოლოგური თვისებები

ფარმაკოდინამიკური თვისებები

მოქმედების მექანიზმი

დიკლოფენაკის გელის აქტიური ნივთიერება - დიკლოფენაკი წარმოადგენს ანთების საწინააღმდეგო არასტეროიდულ პრეპარატს, გამოხატული  ანთების საწინააღმდეგო, ტკივილგამაყუჩებელი და სიცხის დამწევი თვისებებით. ექსპერიმენტული მეთოდებით დადასტურდა დიკლოფენაკის მიერ პროსტაგლანდინების ბიოსინთეზის ინჰიბირება, რაც წარმოადგენს მისი მოქმედების მნიშვნელოვან მექანიზმს.

ფარმაკოდინამიკური ეფექტები

დიკლოფენაკის გელი ტრავმული ან რევმატოიდული ანთების დროს ავლენს ტკივილგამაყუჩებელ ეფექტს, ამცირებს შეშუპებას, ამოკლებს ნორმალური გამოჯანმრთლების პროცესის ხანგრძლივობას.

ფარმაკოკინეტიკური თვისებები

კანის გზით შეწოვილი დიკლოფენაკის რაოდენობა  მისი კანთან შეხების დროისა და ფართობის პირდაპირპროპორციულია და დამოკიდებულია კანის ჰიდრატაციის ხარისხსა და პრეპარატის დოზაზე.

დიკლოფენაკ დიეთილამინადის რაოდენობა საშუაოდ შეადგენს 6%, რომელიც სისტემურად შეიწოვება დიკლოფენაკის გელიდან და სისტემური ზემოქმედება აქვს დიკლოფენაკ ნატრიუმის ორალური ფორმიდან.

დისტრიბუცია

დიკლოფენაკის გელის ხელისა და მუხლის სახსრებზე ადგილობრივი გამოყენების შემდეგ  შესაძლებელია მისი კონცენტრაციის გაზომვა პლაზმაში, სინოვიალურ ქსოვილებში და სინოვიალურ სითხეში. დიკლოფენაკის გელის ადგილობრივი გამოყენების შემდეგ, მისი მაქსიმალური კონცენტრაცია პლაზმაში 100-ჯერ ნაკლებია ვიდრე დიკლოფენაკის ტაბლეტების მიღების შემთხვევაში. დიკლოფენაკის 99.7% უკავშირდება პლაზმის ცილებს, უმეტესად ალბუმინებს (99.4%). დიკლოფენაკი გროვდება კანში, რაც ასრულებს რეზერვუარის ფუნქციას, საიდანაც თანდათანობით გამოიყოფა მიმდებარე ქსოვილებში. დიკლოფენაკი უპირატესად ვრცელდება და რჩება ღრმა ანთებით ქსოვილებში, მაგ. სახსარში, სადაც მისი კონცენტრაცია პლაზმის კონცენტრაციასთან შედარებით 20-ჯერ მეტია.

ბიოტრანსფორმაცია

დიკლოფენაკის ბიოტრანსფორმაცია მოიცავს ინტაქტური მოლეკულების ნაწილობრივ გლუკურონიდაციას, მაგრამ ძირითადად ერთეულ ან მრავლობით ჰიდროქსილაციას, რომელიც იწვევს სხვადასხვა ფენოლის მეტაბოლიტების წარმოქმნას, რომელთა უმეტესობა გარდაიქმნება გლუკურონიდის კონიუგატად. აღნიშნული ფენოლური მეტაბოლიტებიდან 2 ბიოლოგიურად აქტიურია, თუმცა უფრო ნაკლები ხარისხით, ვიდრე დიკლოფენაკი.

ელიმინაცია

პლაზმიდან დიკლოფენაკის ტოტალური სისტემური კლირენსი შადგენს 263+/-56მლ/წთ (საშუალო მაჩვენებელი +/- SD). დიკლოფენაკის პლაზმის საბოლოო კლირენსი არის 1-2 საათი. 4 მეტაბოლიტს, მათ შორის ორ აქტიურს, აქვს ხანმოკლე ნახევარდაშლის პერიოდი - 1-3 საათი. ერთერთ მეტაბოლიტს, 3’-ჰიდროქსი-4’-მეთოქსი-დიკლოფენაკს გააჩნია შედარებით ხანგრძლივი პლაზმის ნახევარდაშლის პერიოდი, მაგრამ პრაქტიკულად არააქტიურია. დიკლოფენაკი და მისი მეტაბოლიტები ძირითადად გამოიყოფა შარდით.

მახასიათებლები პაციენტებში:

თირკმლის უკმარისობის მქონე პაციენტებში დიკლოფენაკის და მისი მეტაბოლიტების აკუმულაცია მოსალოდნელი არ არის.

დიკლოფენაკის კინეტიკა და მეტაბოლიზმი თანაბარია როგორც ქრონიკული ჰეპატიტის ან არადეკომპენსირებული ციროზის მქონე პაციენტებში, ასევე პაციენტებში ღვიძლის პათოლოგიების გარეშე.

პრეკლინიკური უსაფრთხოების მონაცემები

დიკლოფენაკის გელის გამოყენებისას არ გამოვლენილა ფოტოტოქსიურობა და კანის სენსიბილიზაცია.

გამოყენების ჩვენებები

მყესების, იოგების, კუნთების და სახსრების პოსტტრავმული ანთება. მაგ.  დაჭიმვის, ნაღრძობის და სისხლნაჟღენთის გამო. რბილი ქსოვილების რევმატიზმის ადგილობრივი ფორმები. ასეთი ჩვენებების დროს რეკომენდებულია მკურნალობის გაკონტროლება 14 დღის შემდეგ.

დოზირება და მიღების წესი:

გამოიყენება ადგილობრივად.

დოზირების რეკომენდებული სქემა:

მოზრდილები და ბავშვები 14 წლის ზევით:

დიკლოფენაკი გელი გამოიყენება ადგილობრივად კანზე 3-4 ჯერ დღეში საგულდაგულო შეზელვით. საჭირო რაოდენობა განისაზღრება მტკივნეული ადგილის ფართობზე. მაგალითად, 2-4გ დიკლოფენაკის გელი (ალუბლის ან კაკლის ზომის მოცულობით) საკმარისია 400-800მ2 ფართობის სამკურნალოდ.

(მრგვალი ფორმის დაახლოებით 2.0-2.5სმ დიამეტრი) გამოიყენება 2-ჯერ დღეში (სასურველია დილით და საღამოს). მაქსიმალური დღიური დოზა  შეადგენს 8g. აქედან გამომდინარე, მაქსიმალური დოზა მიღებული კვირის განმავლობაში შეადგენს -  56g.

გელი გამოიყენება 14 დღის განმავლობაში აფთიაქის ზედამხედველობის ქვეშ.

გამოყენების შემდეგ, უნდა  დაიბანოთ ხელები, თუ მკურნალობა არ არის დანიშნული ხელებზე.

თუ 7 დღის განმავლობაში არ მოხდება სიმპტომების გაუმჯობესება, ან თუ კი პირველი 7 დღის განმავლობაში მდგომარეობა გაუარესდება,  რეკომენდირებულია ექიმის კონსულტაცია.

არ გამოიყენოთ  14 დღეზე მეტი ექიმის რეკომენდაციის გარეშე

ბავშვები და 14 წლამდე მოზარდები: ბავშვებსა და 14 წლამდე ასაკის მოზარდებში პრეპარატის გამოყენების ეფექტურობის და უსაფრთხოების მონაცემები არ არსებობს.

ხანდაზმულები:

ზრდასრულ ადამიანს შეუძლია გამოიყენოს სტანდარტული დოზა.

უკუჩვენებები

დიკლოფენაკის ან რომელიმე დამხმარე ნივთიერების მიმართ მომატებული მგრძნობელობა.

აცეტილსალიცილის მჟავას/ასპირინის ან არასტეროიდული ანთების საწინააღმდეგო პრეპარატების, მათ შორის დიკლოფენაკის მიმართ მგრძნობიარე ბრონქული ასთმით დაავადებული პაციენტები.

ანამნეზში ჰიპერსენსიტიურობის რეაქციების მქონე პაციენტები (მაგ. დიკლოფენაკით, აცეტილსალიცილის მჟავით/ ასპირინით ან სხვა არასტეროიდული ანთების საწინააღმდეგო პრეპარატებით გამოწვეული ბრონქოსპაზმი, ჭინჭრის ციება, მწვავე რინიტი).

ორსულობის მესამე ტრიმესტრი. პრეპარატის გამოყენება ბავშვებში და 14 წლამდე ასაკის მოზარდებში უკუნაჩვენებია.

სპეციალური გაფრთხილებები და სიფრთხილის ზომები

არასასურველი გვერდითი ეფექტები შეიძლება შემცირდეს მინიმალური ეფექტური დოზის უმოკლესი ხანგრძლივობით გამოყენებით. იმ შემთხვევაში, თუ არ დაფიქსირდა მდგომარეობის გაუმჯობესება, ან მდგომარეობა გაუარესდა, მიმართეთ ექიმს.

გაფრთხილებები:

დიკლოფენაკის პერორალურ მიღებასთან შედარებით, მისი ადგილობრივი გამოყენების შემდეგ სისტემური გვერდითი ეფექტების ალბათობა მცირეა.

იმის გამო, რომ დიკლოფენაკის გელი გამოიყენება კანის შედარებით დიდ ფართობზე ხანგრძლივი პერიოდის განმავლობაში, სისტემური გვერდითი ეფექტების ალბათობა არ უნდა გამოირიცხოს. ეს გვერდითი მოვლენები შეიძლება იყოს კუჭ-ნაწლავის ტრაქტის დარღვევები და სისხლდენა, გაღიზიანება, სითხის შეკავება, გამონაყარი, ჰეპატიტი, თირკმლის ფუნქციის დარღვევა, ანაფილაქსია და იშვიათად - პათოლოგიური ცვლილებები სისხლში, ბრონქოსპაზმი და მულტიფორმული ერითემა.

პრეპარატი განსაკუთრებული სიფრთხილით გამოიყენება კუჭის წყლულით დაავადებულ პაციენტებში, ასევე კუჭ-ნაწლავის სისხლდენის, ღვიძლის და თირკმლის უკმარისობის, ჰემორაგიული დიათეზის ან ნაწლავის ანთების მქონე პაციენტებში. ცირკულაციაში აქტიური ნივთიერების დონე დაბალია, თუმცა ასეთ პაციენტებში საჭიროა თეორიული რისკის შეფასება.

სიფრთხილის ზომები

დიკლოფენაკის გელის გამოყენება დასაშვებია მხოლოდ ჯანმრთელ და ინტაქტურ კანის ზედაპირზე (ღია ჭრილობების და დაზიანებების გარეშე). დაუშვებელია თვალებთან ან ლორწოვან გარსებთან კონტაქტი.

იმ შემთხვევაში, თუ მკურნალობის შედეგად განვითარდა გამონაყარი, შეწყვიტეთ მკურნალობა.

დიკლოფენაკის გელი გამოიყენება არაოკლუზიური ბანდაჟების ქვეშ, დაუშვებელია მისი გამოყენება ჰერმეტული ნახვევების ქვეშ. დაუშვებელია დიკლოფენაკის გელის გადაყლაპვა.

პერორალური არასტეროიდული ანთების საწინააღმდეგო პრეპარატები სიფრთხილით გამოიყენება არასასურველი გვერდითი ეფექტების, განსაკუთრებით სისტემური ეფექტების განვითარების საშიშროების გამო. (იხ. ურთიერთქმედება). დიკლოფენაკი-ჰუმანითი არ უნდა იქნას გამოყენებული სხვა დიკლოფენაკის შემცველ პრეპარატებთან ერთად. პროსტაგლანდინ სინთეტაზას აქტივობის მაინჰიბირებელი სხვა პრეპარატების მსგავსად, დიკლოფენაკმა და სხვა ანთების საწინააღმდეგო არასტეროიდულმა პრეპარატებმა შესაძლოა გამოიწვიონ ბრონქოსპაზმის გამწვავება პირებში, რომელთაც წარსულში ან ამჟამად აღენიშნებათ ბრონქული ასთმა.

სხვა წამლებთან ურთიერთქმედება და ურთიერთქმედების სხვა ფორმები

დიკლოფენაკი-ჰუმანითი-ით მკურნალობის დროს სხვა პრეპარატებთან ურთიერთქმედების შესახებ მონაცემები არ არსებობს. თუმცა არსებობს ურთიერთქმედების თეორიული რისკი  ქვემოთ ჩამოთვლილ პრეპარატებთან დაკავშირებით. დიკლოფენაკის პერორალური გამოყენების დროს არსებობს შემდეგი ურთიერთქმედება:

ლითიუმი და დიგოქსინი:

ნატრიუმის დიკლოფენაკმა შესაძლოა გაზარდოს პლაზმაში ლითიუმის და დიგოქსინის კონცენტრაციები.

ანტიკოაგულანტები:

მიუხედავად იმისა, რომ კლინიკური კვლევებით არ გამოვლენილა დიკლოფენაკის გავლენა ანტიკოაგულანტებზე, დიკლოფენაკის და ანტიკოაგულანტების ერთდროული გამოყენებისას არსებობს ცალკეული შეტყობინებები ჰემორაგიის მომატებული რისკის შესახებ.

დოზის კორექციის აუცილებლობის დადგენის მიზნით, საჭიროა ინტენსიური მონიტორინგი იმ პაციენტებში, რომლებიც ღებულობენ ანტიკოაგულანტებს.

სხვა არასტეროიდული ანთების საწინააღმდეგო საშუალებების მსგავსად,  მაღალი დოზებით დიკლოფენაკის გამოყენებამ შესაძლოა გამოიწვიოს თრომბოციტების შექცევადი აგრეგაცია.

დიაბეტის საწინააღმდეგო პრეპარატები:

კლინიკურმა კვლევებმა გამოავლინა, რომ დიკლოფენაკი-ჰუმანითი გამოყენება შესაძლებელია პერორალური დიაბეტის საწინააღმდეგო პრეპარატებთან ერთად, რადგანაც ის გავლენას არ ახდენს ამ პრეპარატების კლინიკურ ეფექტებზე. მიუხედავად ამისა, დაფიქსირდა ჰიპოგლიკემიური და ჰიპერგლიკემიური ეფექტების ერთეული შემთხვევები, რომლის დროსაც საჭირო გახდა ჰიპოგლიკემიური პრეპარატების დოზის კორექცია.

ციკლოსპორინი:

არასტეროიდული ანთების საწინააღმდეგო პრეპარატების, მათ შორის ნატრიუმის დიკლოფენაკის და ციკლოსპორინის ერთდროული გამოყენებისას  დაფიქსირდა ნეფროტოქსიურობის შემთხვევები, რაც შესაძლოა განპირობებული ყოფილიყო ციკლოსპორინისა და ასას პრეპარატების კომბინირებული ანტიპროსტაგლანდინური ეფექტებით.

მეთოტრექსატი:

მეთოტრექსატის და ასას პრეპარატების 24 სთ ინტერვალით გამოყენებისას დაფიქსირდა სერიოზული ტოქსიურობის შემთხვევები, რაც განპირობებული იყო მეთოტრექსატის აკუმულირებით და ასას პრეპარატების ფონზე თირკმლის ექსკრეციის დარღვევით.

ქინოლონის წარმოებული ანტიმიკრობული საშუალებები:

ქინოლონების და ასას პრეპარატების ერთდროულმა გამოყენებამ შესაძლოა გამოიწვიოს გულყრები როგორც ჯანმრთელ, ასევე  ეპილეფსიით დაავადებულ ან გულყრების მქონე პაციენტებში.

შესაბამისად, ასას პრეპარატებით მკურნალობის დროს ქინოლონის გამოყენებამდე  საჭიროა სიფრთხილე.

სხვა ასას პრეპარატები და სტეროიდები:

დიკლოფენაკი-ჰუმანითი და სხვა ასას პრეპარატების და სტეროიდების ერთდროულმა გამოყენებამ შესაძლოა გაზარდოს არასასურველი ეეფექტების განვითარების სიხშირე. ერთდროული გამოყენებისას ასპირინი ამცირებს თითოეულის დონეს პლაზმაში, თუმცა მისი კლინიკური მნიშვნელობა არ არის ცნობილი.

შარდმდენები:

სხვადასხვა ასას პრეპარატებს გააჩნიათ მიდრეკილება შარდმდენების მოქმედების ინჰიბირებისადმი. კალიუმის შემნახველ შარდმდენებთან ერთდროული გამოყენება შესაძლოა დაკავშირებული იყოს შრატში კალიუმის დონის მომატებასთან; შესაბამისად, საჭიროა შრატში კალიუმის მონიტორინგი. 

ფერტილობა, ორსულობა და ლაქტაცია

ადგილობრივი გამოყენების დროს, პერორალურ გამოყენებასთან შედარებით, დიკლოფენაკის სისტემური კონცენტრაცია შედარებით დაბალია. რაც შეეხება სისტემურად ასას პრეპარატებით მკურნალობის გამოცდილებას, რეკომენდებულია შემდეგი:

პროსტაგლანდინების სინთეზის ინჰიბირებამ შესაძლოა უარყოფითად იმოქმედოს ორსულობაზე და/ან ჩანასახის/ნაყოფის განვითარებაზე. ეპიდემიოლოგიური კვლევების მონაცემებით, პროსტაგლანდინების სინთეზის ინჰიბიტორების გამოყენებისას ორსულობის ადრეულ სტადიებზე, არსებობს სპონტანური აბორტის, გულის მანკების და გასტროშიზის რისკი. გულის პათოლოგიების აბსოლუტური რისკი გაიზარდა <1%-1.5%-ით. დადგენილია, რომ ცხოველებში დოზისა და მკურნალობის ხანგრძლივობის ზრდასთან ერთად მატულობს რისკი. პროსტაგლანდინების სინთეზის ინჰიბიტორები იწვევენ პრე და პოსტიმპლანტაციურ აბორტს და ჩანასახის და ნაყოფის ლეტალობას. ამასთან ერთად, ცხოველების ორგანოგენეზის პერიოდში, პროსტაგლანდინების სინთეზის ინჰიბიტორების გამოყენებისას  დაფიქსირდა სხვადასხვა პათოლოგიების, მათ შორის გულსისხლძარღვთა სისტემის პათოლოგიების მომატებული სიხშირე.

ორსულობის პირველ და მეორე ტრიმესტრებში დიკლოფენაკი მიიღება უკიდურესი აუცილებლობის შემთხვევაში. ქალებში, რომლებიც გეგმავენ ორსულობას ან ორსულობის პირველ და მეორე ტრიმესტრში უნდა მოხდეს დიკლოფენაკის მინიმალური დოზების გამოყენება ყველაზე მოკლე პერიოდის განმავლობაში.

ორსულობის მესამე ტრიმესტრის დროს, ყველა პროსტაგლანდინის სინთეზის ინჰიბიტორმა შესაძლოა გამოიწვიოს ნაყოფის:

- კარდიო-პუნმონური ტოქსიურობა (ბოტალის სადინრის ნაადრევი შეხორცება და ფილტვის ჰიპერტენზია);

- თირკმლის ფუნქციის დაქვეითება, რომელიც შესაძლოა პროგრესირდეს თირკმლის უკმარისობის ან ოლიგო-ჰიდრამნიოზის ჩამოყალიბებით;

 

დედისა და ნაყოფითვის ორსულობის ბოლო სტადიაზე:

- სისხლდენის დროის შესაძლო გახანგრძლივება, ყველაზე მცირე დოზებით შესაძლოა განვითარდეს ანტი-აგრეგაციული ეფექტი;

- საშვილოსნოს შეკუმშვების ინჰიბირება, რაც იწვევს მშობიარობის გახანგრძლივებას.

შესაბამისად, დიკლოფენაკი უკუნაჩვენებია ორსულობის მესამე ტრიმესტრში.

ლაქტაცია

დიკლოფენაკი გადადის დედის რძეში, თუმცა თერაპიული დოზებით დიკლოფენაკი-ჰუმანითი გელის გამოყენება გავლენას არ ახდენს ძუძუთი კვებაზე მყოფ ახალშობილებზე/ჩვილებზე.

მეძუძურ დედებში კონტროლირებული კვლევების არარსებობის გამო, პრეპარატის გამოყენება დასაშვებია მხოლოდ ექიმთან კონსულტაციის შემდეგ. აღნიშნული გარემოებების გათვალისწინებით, დაუშვებელია დიკლოფენაკი-ჰუმანითი გელის გამოყენება მეძუძური დედების მკერდზე და კანის დიდ ფართობზე ხანგრძლივი პერიოდის განმავლობაში.

გავლენა სატრანსპორტო საშუალებების მართვასა და მექანიზმებთან მუშაობის უნარზე

დიკლოფენაკის ადგილობრივი მოხმარების კანის აპლიკატორს არ აღენიშნება ზემოქმედება, ან აღენიშნება მცირე ზემოქმედება სატრანსპორტო საშუალებების მართვის უნარზე.

არასასურველი ეფექტები

დიკლოფენაკი-ჰუმანითი გელი, როგორც წესი კარგად გადაიტანება. ხანდახან შეიძლება განვითარდეს ქავილი, შეწითლება, კანის ტკივილი ან გამონაყარი. ცალკეულ შემთხვევებში დაფიქსირდა ფოტოსენსიტიურობა, დესკვამაცია, გაუფერულება, ბულოზური და ბუშტუკოვანი გამონაყარი. ფოტოსენსიტიურობის თავიდან აცილების მიზნით, პაციენტებს უნდა მიეცეთ გაფრთხილება, თავი აარიდონ მზეზე დიდი ხნის განმავლობაში ყოფნას.

პერორალურად მიღებასთან შედარებით, ადგილობრივი გამოყენების შემდეგ დიკლოფენაკის სისტემური შეწოვა ძალიან დაბალია და  პლაზმაში მისი დონეც შესაბამისად ძალიან დაბალია.

პერორალურად მიღებასთან შედარებით, სისტემური არასასურველი ეფექტების (მაგ. კუჭ-ნაწლავის, ღვიძლის ან თირკმლის დარღვევები, ბრონქოსპაზმი) ალბათობა ადგილობრივი გამოყენების დროს დაბალია. დიკლოფენაკის კანის დიდ ფართობზე ხანგრძლივი პერიოდის განმავლობაში გამოიყენების შემთხვევაში შესაძლოა განვითარდეს არასასურველი გვერდითი ეფექტები.  

ქვემოთ ჩამოთვლილია გვერდითი მოვლენები ორგანოთა კლასის და სიხშირის მიხედვით. თითოეული სიხშირის ჯგუფში არასასურველი ეფექტები მოცემულია სერიოზულობის კლებადობის პრინციპით, პირველ რიგში მოცემულია ყველაზე ხშირი. სიხშირე განისაზღვრება შემდეგნაირად:

ინფექციები და ინვაზიები:

ძალიან იშვიათი: ჩირქოვანი გამონაყარი.

იმუნური სისტემის დაავადებები:

ძალიან იშვიათი: ჰიპერმგრძნობელობა (მათ შორის ურტიკარია), ანგიოედემა.

სასუნთქი სისტემის, გულმკერდის და შუასაყრის დაავადებები:

ძალიან იშვიათად: ასთმა.

კანისა და კანქვეშა ქსოვილების დაავადებები:

ხშირი: დერმატიტი (მათ შორის კონტაქტური დერმატიტი), სიწითლე, ერითემა, ეგზემა, ქავილი.

იშვიათი: ბულოზური დერმატიტი.

ძალიან იშვიათი: ფოტოსენსიტიურობის რეაქციები.

შეტყობინება გვერდითი მოვლენების შესახებ

პრეპარატის ლიცენზირების შემდეგ შესაძლო გვერდითი მოვლენების შესახებ შეტყობინება მნიშვნელოვანია, რაც იძლევა საშუალებას უწყვეტად მოხდეს სარგებლის/ რისკის ბალანსის მონიტორინგი.

დოზის გადაჭარბება

ადგილობრივი დიკლოფენაკის დაბალი სისტემური აბსორბციის გამო, დოზის გადაჭარბება არ არის მოსალოდნელი. შემთხვევით გადაყლაპვის შემთხვევაში მოსალოდნელია სისტემური ეფექტების განვითარება, ასეთ შემთხვევაში რეკომენდებულია არასტეროიდული ანთების საწინააღმდეგო პრეპარატებით მოწამვლის დროს რეკომენდებული ღონისძიებების ჩატარება. არასტეროიდული ანთების საწინააღმდეგო პრეპარატებით მოწამვლის მართვა გულისხმობს შემანარჩუნებელ და სიმპტომურ ღონისძიებებს. არ არსებობს ****** დოზის გადაჭარბების კლინიკური შემთხვევები.

შემანარჩუნებელი და სიმპტომური მკურნალობა უნდა იყოს მიმართული ისეთი გართულებების წინააღმდეგ, როგორიც არის ჰიპოტენზია, თირკმლის უკმარისობა, გულყრები, კუჭ-ნაწლავის გაღიზიანება, სუნთქვის დათრგუნვა. განსაკუთრებული ღონისძიებები, როგორიც არის ფორსირებული დიურეზი, დიალიზი ან ჰემოპერფუზია ხელს ვერ უწყობს არასტეროიდული ანთების საწინააღმდეგო პრეპარატების ელიმინაციას, ცილებთან მაღალი შეკავშირების და ძლიერი მეტაბოლიზმის გამო.

შეფუთვა:

15გ გელი მოთავსებულია ლამინირებულ ტუბში, 1 ტუბი გამოყენების ინსტრუქციასთან ერთად მოთავსებულია მუყაოს კოლოფში

შენახვის პირობები:

შეინახეთ არაუმეტეს 25°C ტემპერატურაზე ორიგინალ შეფუთვაში სინათლისაგან დაცულ და ბავშვებისათვის მიუწვდომელ ადგილას.

ვარგისობის ვადა:

2 წელი

გაცემის წესი:

ფარმაცევტული პროდუქტის ჯგუფი III - გამოიყენება ექიმის დანიშნულების გარეშე

მწარმოებელი:

Themis Medicare Limited, ინდოეთი

სავაჭრო ლიცენზიის მფლობელი:

 სს „ჰუმანითი ჯორჯია“, საქართველო