ოფთაკრომი

სავაჭრო დასახელება

ოფთაკრომი

OPTACROM

საერთაშორისო არაპატენტირებული დასახელება

ნატრიუმის კრომოგლიკატი

სამკურნალწამლო ფორმა

თვალის წვეთები, ხსნარი

შემადგენლობა:

2%-იანი ხსნარის 1 მლ შეიცავს:

აქტიურ ნივთიერებას - ნატრიუმის კრომოგლიკატს 20 მგ

არააქტიური ნივთიერებები:

დინატრიუმის ედეტატი, ეთილპარაბენი, პოლივინილ ალკოჰოლი, საინექციო წყალი

4% - იანი ხსნარის 1 მლ შეიცავს:

აქტიურ ნივთიერებას - ნატრიუმის კრომოგლიკატს 40 მგ

არააქტიური ნივთიერებები:

დინატრიუმის ედეტატი, ეთილპარაბენი, პოლივინილ ალკოჰოლი, საინექციო წყალი

ფარმაკოთერაპიული ჯგუფი

ოფთალმოლოგიური პრეპარატები. ანტიალერგიული პრეპარატები

ათქ კოდი: S01GX01


ფარმაკოდინამიკა

In vitro და in vivoკვლევებმა აჩვენა,რომ ნატრიუმის კრომოგლიკატი თრგუნავს სენსიბილიზებული პოხიერი უჯრედების დეგრანულაციას  გარკვეულ ანტიგენებზე მოქმედების გზით. ამგვარად,იგი აფერხებს ჰისტამინისა და სწრაფი ჰიპერმგრძნობელობის სხვა მედიატორების (ბრადიკინინის, ლეიკოტრიენების)გამოყოფასპოხიერი უჯრედებიდან.

in vitro ჩატარებული კვლევებისას ნატრიუმის კრომოგლიკატი თრგუნავდა

არასენსიბილიზებული  პოხიერი უჯრედების დეგრანულაციას ფოსფოლიპაზა A-ს დახმარებით და მედიატორების გამოთავისუფლების პროფილაქტიკას.

ფარმაკოკინეტიკა

ნატრიუმის კრომოგლიკატი ცუდად შეიწოვება. მრავალჯერადი ჩაწვეთებისას (კურდღლებზე ჩატარებული კვლევა), პრეპარტის მხოლოდ 0,07% აბსორბირდებოდა სისტემურ ცირკულაციაში (სავარაუდოდ თვალის, ცხირის, პირის ღრუსა და კუჭ-ნაწლავის ტრაქტის გავლით). ნარჩენი რაოდენობა (0,01%-ზე ნაკლები) ნაწილდება ორგანიზმის სითხეებში და გამოიდევნება 24 საათის განმავლობაში მკურნალობის შეწყვეტის შემდეგ.  მოხალისეებზე ჩატარებული ეკსკრეციის კვლევისას დადგინდა, რომ თვალის წვეთების გამოყენებისას პრეპარატის მხოლოდ 0,03% შეიწოვება.

ჩვენებები

სეზონური და ქრონიკული ალერგიული კონიუქტივიტის სიმპტომების მკურნალობა და პროფილაქტიკა.

დოზირება და მიღების წესი

ადგილობრივი ოფთალმოლოგიური გამოყენებისათვის.

1-2 წვეთი თითოეულ თვალში დღეში 4-ჯერ ან ექიმის დანიშნულებისამებრ (შესაძლებელია დღეში 6-ჯერადი გამოყენება რთული შემთხვევის დროს).

პრეპარტის გამოყენება შესაძლებელია პროფილაქტიკისათვის. მკურნალობის დაწყება რეკომენდებულია ალერგიის სეზონის დადგომამდე 2-3 კვირით ადრე. ხანდაზმულებშიარ არის რეკომენდებული დოზის ცვლილება.

უკუჩვენებები

პრეპარატი უკუნაჩვენებია მომატებული მგრძნობელობისას ნატრიუმის კრომოგლიკატის ან პრეპარატის რომელიმე სხვა კომპონენტის მიმართ.

განსაკუთრებული მითითებები

პრეპარატი გამოიყენება ფლაკონის გახსნიდან 1 თვის განმავლობაში. მკურნალობის განმავლობაში არ არის რეკომენდებული რბილი კონტაქტური ლინზების ხმარება. პრეპარტის გამოყენების შეწყვეტის წინ გაიარეთ კონსულტაცია ექიმთან.

  1. პრეპარატი არ გამოიყენება მასზე ალერგიის მქონე პაციენტებში. ალერგიურ პაციენტებში ინიშნება სიფრთხილით.
  2. პრეპარატის გამოყენების წინ საჭიროა ხელების დაბანა.
  3. არ გამოიყენოთ პრეპარატი ხსნარის ფერის, გამჭვირვალობის შეცვლის შემთხვევაში.
  4. შეინახეთ ბავშვებისათვის მიუწვდომელ ადგილას.
  5. სხვა პრეპარატების გამოყენების შემთხვევაში აცნობეთ ექიმს შესაძლო ურთიერთქმედებაზე ინფორმაციის მიღების მიზნით.
  6. ეს პრეპარატი შეიცავს ბაქტერიოსტატულ კომპონენტს- ეთილპარაბენს.

ურთიერთქმედება სხვა პრეპარატებთან

სხვა პრეპარატებთან ერთდროული მიღებისას მიმართეთ ექიმს ან ფარმაცევტს შესაძლო ურთიერთქმედებაზე ინფორმაციის მიღების მიზნით.

ორსულობა და ლაქტაცია

ორსულობა

არ არის რეკომენდებული მისი გამოყენება ორსულობის  პირველ ტრიმესტრში. მეორე და მესამე ტრიმესტრში გამოიყენება მხოლოდ იმ შემთხვევაში, თუ მოსალოდნელი სარგებელი ბევრად აღემატება ნაყოფისთვის პოტენციურ რისკს.ლაქტაცია: არ არის ცნობილი, გამოიყოფა თუ არა ნატრიუმის კრომოგლიკატი დედის რძეში. მისი ქიმიური მონაცემებიდან გამომდინარე, ეს არ არის მოსალოდნელი. არ არსებობს ინფორმაცია ლაქტაციის ბავშვზე პრეპარატის ზეგავლენის შესახებ. 

გვერდითი მოვლენები

პრეპარატის გამოყენებისას შესაძლებელია განვითარდეს წვის და თვალში უცხო სხეულის შეგრძნება. სხვა გვერდითი მოვლენები ძალიან იშვიათია.

ჭარბი დოზირება

ინფორმაცია ჭარბი დოზირების შესახებ არ მოიპოვება. რეკომენდებულია დინამიკაში დაკვირვება.

შეფუთვა

2% ხსნარი 10მლ ფლაკონში. 1 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

4% ხსნარი 5მლ ფლაკონში. 1 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები:

ინახება არაუმეტეს 25°C ტემპერატურაზე ორიგინალურ შეფუთვაში, სინათლისაგან დაცულ და ბავშვებისათვის მიუწვდომელ ადგილზე.

ვარგისობის ვადა:

24თვე.

ფლაკონის გახსნის შემდეგ პრეპარატი ვარგისია ერთი თვის განმავლობაში.

გაცემის წესი:

ფარმაცევტული პროდუქტის ჯგუფი III - გამოიყენება ექიმის დანიშნულების გარეშე

მწარმოებელი:

EBE Pharmaceutical Co., Ltd, ჩინეთი.

სავაჭრო ლიცენზიის მფლობელი:

სს „ჰუმანითი ჯორჯია“, საქართველო