სანტაქოლდი OD

სავაჭრო სახელწოდება

სანტაქოლდი OD

საერთაშორისო არაპატენტური სახელწოდება

პარაცეტამოლი, ოროდისპერგირებადი ტაბლეტები  125მგ/250მგ/500მგ

სამკურნალწამლო ფორმა

ოროდისპერგირებადი  ტაბლეტები

შემადგენლობა:

თითოეული ტაბლეტი შეიცავს:

პარაცეტამოლი                    125/250/500 მგ

შემავსებელი                        q.s.

ფარმაკოთერაპიული ჯგუფი

ანალგეზიურები, ანილიდები,

ათქ კოდი: N02BE01


ფარმაკოლოგიური თვისებები

ფარმაკოკინეტიკა

აბსორბცია: პარაცეტამოლი ადვილად შეიწოვება კუჭ-ნაწლავის ტრაქტიდან.

განაწილება: სისხლის პლაზმაში კონცენტრაციის პიკი მიიღწევა მიღებიდან 10-60 წუთში. იგი ნაწილდება ორგანიზმის  ქსოვილების უმეტეს ნაწილში. გადის პლაცენტურ ბარიერს და გამოიყოფა დედის რძესთან ერთად.ჩვეული თერაპიული დოზით სისხლის პლაზმის ცილებს ნაკლებად უკავშირდება, თუმცა ეს მაჩვენებელი იზრდება კონცენტრაციის მატებასთან ერთად.

მეტაბოლიზმი: მეტაბოლიზდება ღვიძლში. პარაცეტამოლის მიღებისას წარმოიქმნება ჰიდროქსილირებული მეტაბოლიტების მცირე რაოდენობა, რომელიც დეტოქსიკაციას გადის ღვიძლში გლუტათიონთან კონიუგაციის გზით. პარაცეტამოლის ჭარბი დოზირებისას იზრდება ტოქსიური მეტაბოლიტების კონცენტრაცია და შესაძლებელია მოხდეს ღვიძლის ქსოვილების ორგანული დაზიანება.

გამოყოფა:ძირითადად შარდთან ერთად კონიუგატების (გლუკურონიდი და სულფატი) სახით გამოიყოფა. ნახევრადგამოყოფის პერიოდი შეადგენს 1-4 საათს.

ფარმაკოდინამიკა

პარაცეტამოლს ახასიათებს ტკივილგამაყუჩებელი და სიცხის დამწევი მოქმედება, მაგრამ არ გააჩნია გამოხატული ანთების საწინააღმდეგო ეფექტი.

პარაცეტამოლის მოქმედების მექანიზმი დაკავშირებული პროსტაგლანდინების სინთეზის ინჰიბირებასთან.

გამოყენების ჩვენებები

თავის ტკივილი, კბილის ტკივილი, ცხელება გრიპისა და გაციების დროს, მენსტრუალური ტკივილი, კუნთების ტკივილი, რევმატული ტკივილების შემსუბუქება, სხეულის მაღალი ტემპერატურა.

მიღების  წესი და დოზირება

მოზრდილები და ბავშვები 40 კგ ზევით (12 წლის ზევით):

500 მგ - 1 გ 4 ჯერ დღეში.

ბავშვები:

ბავშვებში ინიშნება დოზით 10-15 მგ / კგსხეულის მასის 4 ჯერ დღეში.

დოზები:

სხეულის მასაასაკიდოზა

10 - 15 კგ                                    1-3 წელი                              125 მგ x 4

15- 25 კგ                                       3-7 წელი                              250 მგ x 4

25- 40 კგ                                      7-12 წელი                            250 მგ - 500 მგ x 4

> 40 კგ> 12 წელი                            500 მგ - 1 g x 4

რეკომენდებული დოზა არ უნდა იყოს გადაჭარბებული. უფრო მაღალი დოზის მიღება არ ზრდის ეფექტურობას.

მიღების წესი:ტაბლეტი იხსნება პირის ღრუში, არ სჭირდება დაღეჭვა და წყლის მიყოლება. შესაძლებელია ტაბლეტის გახსნა ნახევარ ჭიქა წყალში. 6 წლამდე ბავშვებისთვის ტაბლეტი უნდა გაიხსნას 1 სუფრის კოვზ წყალში.

გვერდითი ეფექტები

პერიოდულად შესაძლებელია კანზე გამონაყარისა და სხვა ალერგიული რეაქციების გამოვლენა.  უმეტეს წილად გვხდება კანის გაწითლება და ჭინჭრის ციება, მაგრამ ზოგჯერ არის უფრო სერიოზული გართულებები- ცხელება და ლორწოვანი გარსის დაზიანება. იშვიათ შემთხვევაში პარაცეტამოლის გამოყენებასთან შეიძლება დაკავშირებული იყოს თრომბოციტოპენიის, ნეიტროპენიის, პანციტოპენიის, ლეიკოპენიისა და აგრანულოციტოზის შემთხვევები.

უკუჩვენებები

უკუნაჩვენებია პარაცეტამოლის ან ტაბლეტის სხვა კომპონენტის მიმართ მომატებული მგრძნობელობასას.

 

სხვა წამლებთან ურთიერთქმედება

ანტიკოაგულანტები- პარაცეტამოლის ხანგრძლივი მიღებისას ვარფარინის და სხვა კუმარინების ანტიკოაგულაციური ეფექტი მატულობს და იზრდება სისხლდენის რისკი. პარაცეტამოლის პერიოდული მიღება არ ახდენს ზეგავლენას.

მეტოკლოპრამიდი – ზრდის პარაცეტამოლის აბსორბციას.

დომპერიდონი – ზრდის პარაცეტამოლის აბსორბციას.

ქოლესტერამინი – ამცირებს პარაცეტამოლის აბსორბციას. ქოლესტერამინი არ მიიღება პარაცეტამოლის მიღებიდან 1 საათის განმავლობაში..

იმატინიბი- იმატინიბთან ერთად არ არის ნაჩვენები პარაცეტამოლის რეგულარული და ხშირი მიღება.

განსაკუთრებული მითითებანი

რეკომენდებულზე დიდი დოზით პარაცეტამოლის მიღებას შეუძლია გამოიწვიოს ღვიძლის დაზიანება. თირკმლისა და ღვიძლის უკმარისობით დაავადებულ პაციენტებში პარაცეტამოლი ინიშნება მხოლოდ სამედიცინო მეთვალყურეობის ქვეშ. გაიარეთ ექიმის კონსულტაცია, თუ პრეპარატის მიღების დროს მდგომარეობა არ უმჯობესდება.

არ მიიღოთ უწყვეტად 10 დღეზე მეტ ხანს ექიმთან კონსულტაციის გარეშე.

ჭარბი დოზირება

პარაცეტამოლის ჭარბი დოზირების სიმპტომები პირველ 24 საათში შეიძლება გამოვლინდეს: სიფერმკრთალე, გულისრევის შეგრძნება, ღებინება, ანორექსია და მუცლის ტკივილი. ღვიძლის დაზიანების გამოვლენა ხდება 12 -48 საათის შემდეგ.შესაძლებელია განვითარდეს გლუკოზის მეტაბოლიზმის დარღვევები და მეტაბოლური აციდოზი.

თირკმლის მწვავე უკმარისობა შეიძლება ჩამოყალიბდეს ტუბეროზული ნეკროზის განვითარებით  ღვიძლის დაზიანების გარეშეც. პარაცეტამოლის დოზის გადაჭარბებისას დაფიქსირებულია გულის რითმის დარღვევები. მოწამვლიდან პირველი 2 დღის განმავლობაში არსებული სიმპტომები არ ასახავენ პოტენციურ საშიშროებას. გულისრევის შეგრძნება, ღებინება, ანორექსია და მუცლის ტკივილი შეიძლება ფიგურირებდეს მთელი კვირის განმავლობაში. მუცლის ტკივილი შესაძლოა იყოს ღვიძლის დაზიანების პირველი გამოვლინება.  ღვიძლის დაზიანება, ტრანსამინაზების და ლაქტატდეჰიდროგენაზას აქტივობის მატებით, ბილირუბინის დონის ზრდითა და პროთრომბინის დროის გახანგრძლივებით, შესაძლოა გამოვლინდეს მეორე დღეს ან უფრო გვიან. შესაძლებელია ღვიძლის უკმარისობის პროგრესირება, ენცეფალოპათია, კომა და სიკვდილი.

შესაძლებელია განვითარდეს თავის ტვინის შეშუპება და მიოკარდის არასპეციფიკური დეპრესია.

ჭარბი დოზირებისას დაუყონებლივ მიმართეთ ექიმს ან უახლოეს საავადმყოფოს. სპეციალური მკურნალობა უნდა დაიწყოს რაც შეიძლება მალე. ყოველ პაციენტს პარაცეტამოლის 7,5გ-ის მიღების შემთხვევაში უტარდება კუჭის ამორეცხვა მოწამვლიდან პირველი 4 საათის განმავლობაში. შესაძლებელია აუცილებელი გახდეს პრეციფიური  თერაპია ანტიდოტის- აცეტილცისტეინის ან მეთიონინის გამოყენებით. ასეთი გადაწყვეტილების მიღებისას აცეტილცისტეინი უნდა დაინიშნოს მოწამვლიდან პირველ 8 საათში.

შეფუთვა

10 ტაბლეტი ბლისტერში. 10 ბლისტერი შეფუთვაში მოთავსებულია მუყაოს კოლოფში გამოყენების ინსტრუქციასთან ერთდ.

შენახვის პირობები

შეინახეთ  25°C ტემპერატურაზე, ორიგინალ შეფუთვაში, სინათლისაგან დაცულ ადგილას. შეინახეთ ბავშვებისათვის მიუწვდომელ ადგილას.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

ვარგისობის ვადა

მწარმოებელი

Titan Laboratories Pvt. Ltd, ინდოეთი

savaWro licenziis  mflobeli

ss “humaniTi jorjia”, saqarTvelo