დეტრა-ჰუმანითი

სავაჭრო დასახელება

დეტრა-ჰუმანითი

წამლის ფორმა

შემოგარსული ტაბლეტები

შემადგენლობა

თითოეული შემოგარსული ტაბლეტი შეიცავს:-

დიოსმინი (90%)                                   450მგ

ფლავონოიდები ჰესპერიდინის სახით (10%)   50მგ

დამხმარე ნივთიერებები                              qs

აღწერა

ატმისფერი, ოვალური ფორმის, ორმხრივამოზნექილი შემოგარსული ტაბლეტები, ბრტყელი ზედაპირით ორივე მხარეს.

ფარმოკოთერაპიული ჯგუფი

ანტირევმატული საშუალებები

ათქ კოდი: C05CA03


ფარმაკოლოგიური თვისებები

ფარმაკოკინეტიკა

დიოსმინი: ფარმაკოკინეტიკურმა კვლევებმა გამოავლინეს, რომ დიოსმინი ნაწლავური ფლორის მიერ სწრაფად ტრანსფორმირდება მის აგლიკონურ ფორმად, დიოსმეტინად. დიოსმეტინი შეიწოვება და სწრაფად ვრცელდება მთელს ორგანიზმში პლაზმური ნახევარგამოყოფის პერიოდით 26-43 სთ. დიოსმეტინი დეგრადირდება ფენოლურ მჟავად და მის გლიცინ-კონიუგირებულ წარმოებულებად და ელიმინირდება შარდში. შეუწოვადი დიოსმინი ან დიოსმეტინი გამოიყოფა ფეკალიებში.

ჰესპერიდინი: არ არსებობს საკმარისი ცნობები ადამიანებში ჰესპერიდინის  ფარმაკოკინეტიკის შესახებ. გაურკვეველია ჰესპერიდინი შეიწოვება თუ არა ნაწლავებში გლიკოზიდის სახით. აგლიკონური ჰესპერეტინი შეინიშნება შრატში მისი მიღების შემდეგ და შეიძლება მისი ფორმირება აბსორბციამდე ან მის შემდეგ. ჰესპერეტინმა შესაძლოა განიცადოს გლუკორონირება ნაწლავის კედლებზე და ღვიძლში. ჰესპერეტინი შეინიშნება შარდში ჰესპერიდინის მიღებიდან 3 საათის განმავლობაში. შარდში გამოყოფა წარმოადგენს აგლიკონის გამოყოფის ძირითად გზას. ჰესპერიდინის მეტაბოლიზმის შესახებ არ არსებობს სხვა ინფორმაცია.

ფარმაკოდინამიკა

დიოსმინი და ჰესპერიდინი წარმოადგენენ ფლავონოიდურ კომპონენტებს. ერთად გამოყენებისას ისინი   ვენების კედლებზე ახანგრძლივებენ ნორადრენალინის ვაზოკონსტრიქტორულ ეფექტს, რის შედეგადაც ზრდიან ვენურ დაბრუნებას და ამცირებენ ვენურ ჰიპერწნევას ვენების ქრონიკული დაავადების მქონე პაციენტებში. ისინი ასევე აუმჯობესებენ ლიმფურ დრენაჟს და იცავენ მიკროცირკულაციას ანთებისგან. დიოსმინი და ჰესპერიდინი ერთად გამოიყენება  ვენების დაავადებების სამკურნალოდ მაგ. ვენების ქრონიკული დაავადება და  ბუასილი.

გამოყენების ჩვენებები

შემდეგი სიმტპომებით გამოხატული ქვედა კიდურების ქრონიკული ორგანული და ფუნქციური ვენური უკმარისობის მკურნალობა:

  • ფეხებში სიმძიმე, ტკივილი, ღამის კრუნჩხვები
  • ბუასილი და ბუასილის მწვავე შეტევები
  • DUB და IUCD-ით ნაჩვენები სისხლდენა და სხვა სახის კაპილარების წყვეტა.

დოზირება და მიღების წესი

ქრონიკული ვენური დაავადება: 2 ტაბლეტი დღეში.

ბუასილი: მოზრდილები: მწვავე შეტევები: 6 ტაბლეტი დღეში პირველი 4 დღის მანძილზე, შემდეგ დღეში 4 ტაბლეტი შემდეგი 3 დღის მანძილზე. ქრონიკული ბუასილი: 2 ტაბლეტი დღეში.

მიღების წესი: პერორალურად.

გვერდითი მოვლენები

დიოსმინის და ჰესპერიდინის მიღებასთან ასოცირებულ პოტენციურ გვერდით მოვლენებს წარმოადგენს თავის ტკივილი, მუცლის ტკივილი, გულისრევა და დიარეა. სერიოზული გვერდითი მოვლენა შესაძლოა იყოს ტკივილი გულმკერდის არეში, სუნთქვის გართულება, გამონაყარი კანზე, ქავილი, ხელების ან სახის შეშუპება ან ჩხვლეტის შეგრძნება პირის ღრუში.

უკუჩვენებები

უკუნაჩვენებია პაციენტებში ჰიპერმგრძნობელობით დიოსმინის და ჰესპერიდინის მიმართ.

ურთიერთქმედება სხვა პრეპარატებთან

შეიძლება შესუსტდეს მეტრონიდაზოლის მეტაბოლიზმი დიოსმინთან ერთად მიღებისას.

ორსულობა და ლაქტაცია

ორსულობა: ჟურნალში „საერთაშორისო ჟურნალი გინეკოლოგია და მეანობა“ გამოქვეყნებული კვლევის მიხედვით დიოსმინით და  ჰესპერიდინით ბუასილის მოკლევადიანი მკურნალობა ორსულობის დროს უსაფრთხო, მისაღები და ეფექტურია. კვლევის განმავლობაში მკურნალობა არ ზემოქმედებს ორსულობაზე, ნაყოფის განვითარებაზე, ნაყოფის წონაზე, ზრდაზე და კვებაზე.

ლაქტაცია: არ არის რეკომენდებული გამოყენება უსაფრთხოების მიზნით.

განსაკუთრებული გაფრთხილებები

საჭიროა სიფრთხილის გამოჩენა, რომ არ მოხდეს ვირუსის სხვაზე გადაცემა, განსაკუთრებით აქტიური დაზიანებების დროს.

ჭარბი დოზირება

არ ყოფილა ჭარბი დოზირების შემთხვევები. თუმცა, ჭარბი დოზირების შემთხვევებში შესაძლოა გვერდითი მოვლენების გამწვავება.

წამლის ფორმა და შეფუთვა

ბლისტერზე 10 ტაბლეტი, 3 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

ინახება არაუმეტეს 25◦C ტემპერატურაზე.

შეინახეთ ბავშებისთვის მიუწვდომელ ადგილას.

ვარგისიანობის ვადა

2 წელი

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი

მეპრო ფარმაცეუტიკლას პვტ. ლტდ.,

ინდოეთი

სავაჭრო ლიცენზიის მფლობელი

სს „ჰუმანითი ჯორჯია“, საქართველო