რეოგრელი

სავაჭრო დასახელება

რეოგრელი

საერთაშორისო არადაპატენტებული დასახელება

კლოპიდოგრელი

ასპირინი

სამკურნალწამლო ფორმა

ჟელატინის მყარი კაფსულები

შემადგენლობა

ერთი კაფსულა შეიცავს:

კლოპიდოგრელ ბისულფატს

ექვივალენტურს 75 მგ კლოპიდოგრელისა, ასპირინს 75 მგ (ნაწლავში ხსნადი ტაბლეტის სახით)

ფარმაკოთერაპიული ჯგუფი: ანტითრომბოზული საშუალება. თრომბოციტების აგრეგაციის ინჰიბიტორი, გარდა ჰეპარინისა.

ათქ კოდი: B01AC30.


ფარმაკოლოგიური თვისებები

ფარმაკოდინამიკა.

რეოგრელი კომბინირებული პრეპარატია, რომლის მოქმედებას განაპირობებს მისი კომპონენტების, კლოპიდოგრელის და ასპირინის ფარმაკოლოგიური თვისებები.  კლოპიდოგრელი შერჩევითად თრგუნავს ადენოზინდიფოსფატის ნაერთს და რეცეპტორს თრომბოციტის ზედაპირზე და GPIIb/IIIa აქტივაციას თრომბოციტების ადენოზინდიფოსფატის დამთრგუნავი აგრეგაციის ზემოქმედებით. ასევე, თრგუნავს  თრომბოციტების სხვა აგონისტებით გამოწვეულ აგრეგაციას, ბლოკავს რა თრომბოციტების მოქმედებას თავისუფალი ადენოზინდიფოსფატის მეშვეობით. კლოპიდოგრელი იწვევს ადენოზინდიფოსფატის  რეცეპტორის შეუქცევად ცვლილებას. ამიტომ, მასთან ურთიერთმომქმედი თრომბოციტები ვეღარ აღიქვამენ ადენოზინდიფოსფატის  ზემოქმედებას მთელი არესბობის პერიოდის განმავლობაში, მაგრამ, თრომბოციტების ნორმალური ფუნქცია აღდგება თრომბოციტების განახლების შესაბამისად. კლოპიდოგრელის ზემოქმედებით თრომბოციტების აგრეგაციის დოზადამოკიდებული დათრგუნვა აღინიშნება რეოგრელის პირველი დოზის მიღებიდან 2 საათში, ხოლო თრომბოციტების აგრეგაციის სტაბილური შემცირება - წამლის მიღებიდან 3-7 დღეში. ასპირინი, დაბალი დოზებით, ავლენს ანტიაგრეგაციულ მოქმედებას; შედარებით მაღალი დოზებით  სიცხის დამწევ და ანთების საწინააღმდეგო მოქმედებას. ასპირინის მოქმედების მთავარი მექანიზმი მდგომარეობს ციკლოოქსიგენაზას ფერმენტის შეუქცევად დეაქტივაციაში; შედეგად, პროსტაგლანდინის და პროსტაციკლინის სინთეზი ირღვევა ენდოთელურ უჯრედებში (300 მგ-ზე მაღალი დოზებით) და თრომბოქსანის  A2 თრომბოციტებში. ამდენად, რეოგრელი, რომელიც წარმოადგენს კლოპიდოგრელის და ასპირინის კომბინაციას, იწვევს მძლავრ ანტითრომბოლიზურ მოქმედებას თრომბოციტების აგრეგაციის ორი სხვადასხვა მეთოდის ერთდროული ბლოკადის მეშვეობით.

ფარმაკოკინეტიკა

კლოპიდოგრელი

დღეში 75 მგ პერორალურად მიღების შემდეგ კლოპიდოგრელი სწრაფად აბსორბირდება, მაგრამ მთავარი ნაერთის კონცენტრაცია პლაზმაში დაბალია და 2 საათში მისი დადგენა შეუძლებელია (0,00025 მგ/ლ). შარდით კლოპიდოგრელის მეტაბოლიტების ექსკრეციის შედეგების თანახმად შეიძლება ითქვას, რომ მისი აბსორბცია შეადგენს დაახლოებით 50%. კლოპიდოგრელი მეტაბოლიზმს განიცდის ღვიძლში. მისი მთავარი მეტაბოლიტები (კარბოქსილის წარმოებული) არააქტიურია და პლაზმაში არსებული საწყისი ნაერთის 85% შეადგენს. ამ მეტაბოლიტის მაქსიმალური კონცენტრაცია პლაზმაში (დაახლოებით 3 მგ/ლ 75 მგ განმეორებითი დოზის შემდეგ) აღინიშნება მიღებიდან 1 საათში. კლოპიდოგრელი მომქმედი ნივთიერების პრევენციული აგენტია. მისი მიმქმედი მეტაბოლიტი (თიოლის წარმოებული) იქმნება 2-ოქსო-კლოპიდოგრელად ოქსიდაციის და შემდგომი ჰიდროლიზის მეშვეობით. ოქსიდაციის ფაზა შეიძლება შეიცვალოს P4502B6 და 3A4 ციტოქრომებით და 1A1, 1A2, 1C19-ით ნაკლებია. in vitro აღნიშნული თიოლის აქტიური მეტაბოლიტი სწრაფად და შეუქცევადად უერთდება თრომბოციტურ რეცეპტორებს და თრგუნავს თრომბოციტების აგრეგაციას. ეს მეტაბოლიტი პლაზმაში არ არის. მთავარი მეტაბოლიტების კინეტიკა სწორხაზოვან დამოკიდებულებაშია (პლაზმა-კონცენტრაციის დოზაზე დამოკიდებული ზრდა) კლოპიდოგრელის 50-150 მგ დოზებში. კლოპიდოგრელი და მთავარი ცირკულაციური მეტაბოლიტი შექცევადად უკავშირდებიან ადამიანის პლაზმის პროტეინებს in vitro (98% და 94 %, შესაბამისად). მთავარი მოცირკულირე მეტაბოლიტის ნახევარგამოყოფის პერიოდი შეადგენს 8 საათს ერთჯერადი და განმეორებითი გამოყენების შემდეგ, თირკმლებით გამოიყოფა 50%, ხოლო ნაწლავებით - 46%.

ასპირინი

პერორალურად მიღების შემდეგ ასპირინი გარდაიქმნება მთავარ აქტიურ მეტაბოლიტად - სალიცილის მჟავად. აცეტილსალიცილის და სალიცილის მჟავები სწრაფად და სრულად აბსორბირდება კუჭნაწლავის ტრაქტიდან. სისხლის პლაზმაში მაქსიმალური კონცენტრაცია მიიღწევა 10-20 წუთში (ასპირინი) ან 45-120 წუთში (ჯამური სალიცილატი). ცილებთან კავშირის მაჩვენებელი დამოკიდებულია კონცენტრაციაზე და შეადგენს 49%-70% ასპირინისთვის და 66%-98% სალიცილის მჟავისთვის. ასპირინი მეტაბოლიზდება 50%-ით ღვიძლში „პირველადი გავლის“ დროს.

შემდეგ სალიცილის მჟავა გარდაიქმნება ძირითადად გლიცინად და გლუკორონის მჟავას კონიუგატებად და მცირე ოდენობით გენტისის მჟავად .

ასპირინი, მეტაბოლიტების სახით, ძირითადად გამოიყოფა თირკმლით. ასპირინის ნახევარგამოყოფის პერიოდი შეადგენს დაახლოებით 20 წუთს. სალიცილის მჟავის ნახევარგამოყოფის პერიოდი დოზის პროპორციულად იზრდება და შეადგენს 2, 4 და 20 წუთს. ასპირინი აღწევს ლაქტატში, ცერებროსპინალურ სითხეში, სინოვიურ l სითხეში და ჰემატოენცეფალურ ბარიერში.  

 

ჩვენებები

მწვავე კორონარული სინდრომი (არასტაბილური სტენოკარდია, მიოკარდიუმის ინფარქტი Q2 ტალღის გარეშე, მიოკარდიუმის ინფარქტი გაზრდილი ST სეგმენტით), მათ შორის, კანქვეშა კორონარული ინტერფერენცია (კანქვეშა სპირალური ელექტროდი გულის ელექტრონული სიგნალების დასაფიქსირებლად);

მწვავე კორონარული სინდრომის უწყვეტი მეორადი პრევენცია კანქვეშა კორონარული ინტერფერენციის შემდეგ სტენტირებით, თუ მის გარეშე.

დოზირება და მიღების წესი

პრეპარატი ინიშნება ერთჯერადად დოზით ერთი ტაბლეტი დღეში. 
ინიშნება ცალ-ცალკე კლოპიდოგრელისა და ასმ თერაპიის დაწყების შემდეგ, შესაბამისი დოზირებით მათ ჩასანაცვლებლად.
მიღება ხდება ჭამის დროს ან ჭამის შემდეგ.

გვერდითი მოვლენები

ჯანდაცვის მსოფლიო ორგანიზაციის რეკომენდაცის თანახმად, გვერდითი მოვლენების სიხშირე კლასიფიცირებულია შემდეგი წესით: ხშირი – 1-10 %, არახშირი – 0.1 – 1 %, იშვიათი – 0.01 – 0.1 %, ძალიან იშვიათი  - < 0.01 %.

კლოპიდოგრელი

ჰემორაგიული დარღვევა: სისხლდენა კლოპიდოგრელის ყველაზე ხშირი გვერდითი მოვლენაა. აღინიშნა მწვავე სისხლდენა, მათ შორის სასიკვდილო (განსაკუთრებით ინტრაკრანიალური, გასტროინტესტინური და რეტროპერიტონეალური სისხლდენა), მწვავე სისხლდენა კანიდან (პურპურა), ძვალკუნთოვანი სისხლდენები (ჰემართროზი, ჰემატომა), ოკულური სისხლდენა (კონიუნქტივური, ოკულური, რეტინური), ნაზალური სისხლდენები, რესპირატორული ტრაქტის სისხლდენები (სისხლიანი ნახველი, პულმონური სისლხდენა), ჰემატურია და სისხლდენა საოპერაციო ჭრილობიდან. ბევრ შემთხვევაში სისხლდენა აღინიშნა მკურნალობის პირველი თვის განმავლობაში. პაციენტებში, რომლებმაც შეწყვიტეს კლოპიდოგრელის მიღება ქირურგიულ ჩარევამდე 5 დღით ადრე, არ აღნიშნულა მწვავე სისხლდენის მომატებული სიხშირე, კორონარული შუნტირების ქირურგიული ოპერაციიდან 7 დღის განმავლობაში.

ჰემატოლოგიური ანალიზების დარღვევა: ძალიან იშვიათად აღინიშნება მწვავე თრომბოციტოპენია (თრომბოციტების რაოდენობა ≤ 30 x 109/l), აგრანულოციტოზი, ანემია და აპლასტური ანემია / პანციტოპენია, მწვავე ნეიტროპენია (< 0,45 x 109/l). ძალიან იშვიათად, კლოპიდოგრელის მიღების შემდეგ, თრომბოზული თრომბოციტოპენიური პურპურა. თრომბოლიზურ თრომბოციტოპენიურ პურპურას თან ახლავს თრომბოციტოპენია და მიკროანგიოპათიური ჰემოლიზური ანემია და ნევროლოგიური დარღვევები, თირკმლების დისფუნქცია და ჰიპერთერმია. თრომბოლიზური თრომბოციტოპენიური პურპურა არის პათოლოგია, რომელიც მოითხოვს გადაუდებელ ჩარევას, მათ შორის პლაზმოფერეზს.

თირკმლის უკმარისობა: ძალიან იშვიათი, კრეატინინის მომატება, გლომერულონეფრიტი.

ღვიძლის უკმარისობა: ძალიან იშვიათი, ღვიძლის ფუნქციის ლაბორატორიული მაჩვენებლების ცვლილება (ტრანსამინაზას მომატება) და ჰეპატიტი.

ცენტრალური და პერიფერიული ნერვული სისტემის დარღვევები: არახშირი, თავის ტკივილი, სისუსტე, პარესთეზია. ძალიან იშვიათი - ცნობიერების მოშლა და ჰალუცინაციები.

გასტროინტესტინური დარღვევები: ხშირი: მუცლის ტკივილი, დისპეფსია და დიარეა. არახშირი - გულისრევა, გულძმარვა, ღებინება, კუჭის და თორმეტგოჯა ნაწლავის წყლული, ყაბზობა, მეტეორიზმი და გასტრიტი. ძალიან იშვიათი - პანკრეატიტი, კოლიტი (მათ შორის წყლულოვანი კოლიტი) და სტომატიტი.

ალერგიული რეაქციები: არახშირი - გამონაყარი, ქავილი. ძალიან იშვიათი - ჰიპერმგრძნობელობა ურტიკარიის, კვინკეს შეშუპების, ბულოზური გამონაყარის, მრავალფორმული ერითემის, ბრონქული სპაზმის, ანგიონევროზული შეშუპების, ანაფილაქსიური რეაქციების, მაღალი ტემპარტურის, ართრალგიის და ართრიტის სახით.

სხვა: ძალიან იშვიათი - გემოვნების დაკარგვა.

ასპირინი

ხშირი გვერდითი მოვლენები: გულისრევა, ანორექსია, ეპიგასტრული ტკივილი. იშვიათი: (განსაკუთრებით ასპირინის გაზრდილი დოზებით ხანგრძლივი მკურნალობის დროს) გასტროინტესტინური ტრაქტის ეროზიულ-წყლულოვანი დაზიანება, კუჭიდან სისხლდენა და მელენა. პაციენტებში, რომლებსაც გააჩნიათ ჰიპერმგრძნობელობა სალიცილატების მიმართ, შეიძლება აღინიშნოს ალერგიული რეაქციები კანზე გამონაყარის სახით; ბრონქული ასთმის მქონე პაციენტებში შეიძლება აღინიშნოს ბრონქული სპაზმის შედარებით ხშირი მწვავე შეტევები. ძალიან იშვიათი: ღვიძლის ფუნქციის დარღვევა, კანის მწვავე რეაქციები, მულტიფორმული ერითემაც კი, თირკმლის უკმარისობა, ჰიპოგლიკემია.

უკუჩვენებები

  • ჰიპერმგრძნობელობა კლოპიდოგრელის ან ასპირინის მიმართ;
  • ღვიძლის მწვავე უკმარისობა;
  • მწვავე სისხლდენა, მათ შორის გასტროინტესტინური სისხლდენა;
  • ინტრაკრანიული სისხლდენა;
  • ჰემორაგიული დიათეზი;
  • სალიცილატებით და ანთების საწინაღმდეგო არასტეროიდული  პრეპარატებით გამოწვეული ბრონქული ასთმა, „ასპირინული ტრიადა“ (ბრონქული ასთმის, რეციდიული ნაზალური და პერიფერიული ღრუების პოლიპოზის და ასპირინის მიმართ მგრძნობელობის კომბინაცია);
  • ორსულობა და ლაქტაცია;
  • 18 წლამდე ასაკის ბავშვები.

წამლებთან ურთიერთქმედება

ვარფარინი: რეოგრელის და ვარფარინის ერთდროული მიღება არ არის რეკომენდებული, რადგან ასეთმა კომბინაციამ შეიძლება გაზარდოს სისხლდენის რისკი და ინტენსიურობა. მაგრამ, ზოგ პაციენტში შეიძლება მისი მიღება, მაგალითად, წინაგულის ფიბრილაციის ან ვენური თრომბოზის და თრომბოემბოლიის სამკურნალოდ. ექიმმა თითეული ცალკეული შემთხვევიდან გამომდინარე უნდა მიიღოს გადაწყვეტილება რეოგრელის და ჰეპარინების ერთდროული დანიშვნის შესახებ.

არაფრაქციული ჰეპარინი და დაბალმოლეკულური ჰეპარინები: რეოგრელი და ჰეპარინები ერთად გამოიყენება მწვავე კორონარული სინდრომის სამკურნალოდ, მაგრამ უნდა გახსოვდეთ, რომ ასეთმა კომბინაციამ შეიძლება გაზარდოს სისხლდენის რისკი.

გლიკოპროტეინის IIb/IIIa რეცეპტორების ბლოკატორები: ერთდროული გამოყენება რეოგრელთან შესაძლებელია, მაგრამ ასეთმა კომბინაციამ შეიძლება გაზარდოს სისხლდენის რისკი.

თრომბოლიზური საშუალებები: რეოგრელი და თრომბოლიზური საშუალებები ერთად გამოიყენება მიოკარდიუმის მწვავე ინფარქტის (გაზრდილი  ST სეგმენტით) სამკურნალოდ, მაგრამ, ასეთმა კომბინაციამ შეიძლება გაზარდოს სისხლდენის რისკი.

დიგოქსინი: რეოგრელი ზრდის სისხლის პლაზმაში დიგოქსინის კონცენტრაციას და მის ეფექტს ექსკრეციის შემცირების გამო.

მეთოტრექსატი: ერთდროულად გამოყენების პირობებში ასპირინი აძლიერებს მეთოტრექსატის მოქმედებას მისი თირკმლისმიერი კლირენსის და პლაზმის პროტეინებთან კავშირის შემცირების გამო, რასაც თან სდევს სისხლმბადი ორგანოების მხრივ გვერდითი მოვლენების სიხშირის ზრდა. ამდენად, კვირაში რეოგრელის და მეთოტრექსატის 15 მგ დოზის ერთდროული მიღება არ არის რეკომენდებული.

ჰიპოგლიკემიური წამლები: ასპირინისა და სულფონილშარდოვანას წარმოებული პერორალური ანტიდიაბეტური წამლების ერთდროული გამოყენება ზრდის ამ უკანასკნელის ჰიპოგლიკემიურ მოქმედებას.

შარდმჟავას გამოყოფის ხელშემწყობი წამლები: ასპირინი ამცირებს შარდმჟავას გამოყოფის ხელშემწყობი აგენტების მოქმედებას.

ანთების საწინააღმდეგო არასტეროიდული პრეპარატები: კლოპიდოგრელის და ნაპროქსენის ერთდროულად გამოყენება ზრდიდა ფარული გასტროინტესტინური სისხლდენის შემთხვევებს. კლოპიდოგრელის და სხვა ანთების საწინააღმდეგო არასტეროიდული პრეპარატების ურთიერთქმედების კვლევების არარსებობის გამო დღეისათვის არ არის დადგენილი, იზრდება თუ არა გასტროინტესტინალური სისხლდენის რისკი კლოპიდოგრელის და ყველა ანთების საწინააღმდეგო არასტეროიდული საშუალების კომბინირებული მკურნალობის შედეგად. ასპირინის და ანთების საწინააღმდეგო არასტეროიდული  საშუალებების ერთდროულად მიღებისას ამ უკანასკნელის თერაპიული მოქმედება და გვერდითი მოვლენები იზრდება. იბუპროფენი თრგუნავს ასპირინის ანტითრომბოლიზურ მოქმედებას. ამდენად, ანთების საწინააღმდეგო არასტეროიდული საშუალებები და რეოგრელი ფრთხილად უნდა დაინიშნოს.

გლუკოკორტიკოიდული საშუალებები: გლუკოკორტიკოიდული საშუალებების და ასპირინის ერთდროულად გამოყენება ზრდის გასტროინტესტინური სისხლდენის რისკს.

წამლების კომბინირებული გამოყენების სხვა ფორმები: კლოპიდოგრელის და ათენოლოლის, ნიფედიპინის, ფენობარბიტალის, ციმეტიდინის და ესტროგენების ერთდროული გამოყენების კლინიკურად მნიშვნელოვანი ურთიერთქმედება არ არის დადგენილი. ადამიანის ღვიძლის მიკროსომების კვლევებმა გვიჩვენა, რომ კლოპიდოგრელმა შეიძლება დაბლოკოს P4502C9 ციტოქრომის მოქმედება, რაც იწვევს პლაზმაში ისეთი წამლების კონცენტრაციის ზრდას, როგორიცაა ფენიტოინი და ტოლბუტამიდი, ანთების საწინააღმდეგო არასტეროიდული საშუალებები, რომელთა მეტაბოლიზმს უზრუნველყოფს P4502C9 ციტოქრომი. კლინიკური კვლევების მიუხედავად, CAPRIE ადასტურებს, რომ შესაძლებელია ფენიტოინისა და ტოლბუტამიდის ერთდროული უსაფრთხო გამოყენება.

სპეციალური მითითებები

რეოგრელის გამოყენებისას აუცილებელია სისხლის ანალიზის ჩატარება მკურნალობის პირველი კვირის განმავლობაში. სხვა ანტითრომბული აგენტების მსგავსად, რეოგრელი ფრთხილად უნდა დაინიშნოს იმ პაციენტებში, რომლებსაც სისხლდენის გაზრდილი რისკი აღენიშნებათ ტრავმების, ქირურგიული ჩარევის ან სხვა პათოლოგიური მდგომარეობის გამო.

რეოგრელის და ანტიკოაგულანტების, თრომბოლიზური საშუალებების, ანტითრომბოციტური საშუალებების კომბინირებულ გამოყენებას თან სდევს სისხლდენების რისკის ზრდა. თუ ქირურგიული ჩარევა და ანტიაგრეგაციული მოქმედება საჭირო არ არის, რეოგრელის მკურნალობის კურსი უნდა შეწყდეს ოპერაციამდე 7 დღით ადრე.

პაციენტი უნდა გაკონტროლდეს სისხლდენის სიმპტომებზე, მათ შორის, ფარული სისხლდენის სიმპტომებზე, განსაკუთრებით მკურნალობის პირველი კვირების განმავლობაში და / ან ინვაზიური კარდინალური პროცედურების ან ქირურგიული ჩარევის შემდეგ.

რეოგრელი ზრდის სისხლდენის პერიოდს; ფრთხილად უნდა იქნას გამოყენებული სისხლდენის (განსაკუთრებით გასტროინტესტინური და ინტრაოკულარული სისხლდენის) რისკის მქონე პაციენტების სამკურნალოდ. პაციენტებმა უნდა იცოდნენ, რომ რეოგრელის მიღებით გამოწვეული სისხლდენის შესაჩერებლად უფრო ხანგრძივი დრო არის საჭირო. პაციენტებმა ექიმს უნდა აცნობონ უჩვეულო სისხლდენის ყოველი შემთხვევის (ადგილის და/ან ხანგრძლივობის) შესახებ. პაციენტებმა ექიმსა და სტომატოლოგს უნდა აცნობონ, თუ მიიღეს წამალი ქირურგიულ ჩარევამდე, ან თუ ექიმი ახალ წამალს უნიშნავს პაციენტს.

რეოგრელი ფრთხილად ენიშნება იმ პაციენტებს, რომლებსაც ღვიძლის მსუბუქი უკმარისობა აღენიშნებათ შესაძლო ჰემორაგიული დიათეზით და რომლებსაც თირკმლის და ღვიძლის უკმარისობა აღენიშნებათ.

რეოგრელი ფრთხილად ენიშნება იმ პაციენტებს, რომლებსაც აღენიშნებათ პოდაგრა, ჰიპერურიკემია და იმ პაციენტებს, რომლებსაც სამედიცინო ისტორიაში აღენიშნებათ გასტროინტესტინური ტრაქტის წყლულოვანი დაზიანება ან გასტროინტესტინური სისხლდენა, ბრონქული ასთმა, ქრონიკული რესპირატორული დაავადებები, ალკოჰოლური დელირია, ნაზალური ლორწოვანი გარსის პოლიპოზი; ალერგიული რეაქციები წამლებზე ვიტამინის და გლუკოზა-6-ფოსფატედეჰიდროგენაზას დეფიციტით.

ხანდაზმულ პაციენტებში შეიძლება აღინიშნოს ჰიპერმგრძნობელობა წამლის ფარმაკოლოგიური მოქმედების მიმართ. ამდენად, წამალი ფრთხილად უნდა დაინიშნოს ამ ჯგუფის პაციენტებში.

ასპირინის გამოყენებამ შეიძლება გამოიწვიოს ბრონქული სპაზმი ბრონქული ასთმის, ალკოჰოლური დელირიის, ცხვირის ლორწოვანი გარსის პოლიპოზის, ქრონიკული რესპირატორული დაავადებების, სხვა წამლებზე ალერგიული რაექციების (როგორიცაა კანის რეაქციები, ქავილი, ურტიკარია) შემთხვევაში. ასპირინმა, მცირე დოზებით, შეიძლება გამოიწვიოს პოდაგრა წინასწარგანწყობილ პაციენტებში (შარდმჟავას დაბალი ექსკრეცია).

შესაძლო ზემოქმედება რეაქციის სისწრაფეზე ავტოტრანსპორტის მართვის ან მექანიზმებთან მუშაობის დროს

რეოგრელის გამოყენების შემდეგ არ დაფქისირებულა ავტოტრანსპორტის მართვის ან სხვა მექანიზმებთან მუშაობის უნარის დაქვეითების და მუშაობის უნარის ფსიქიატრიული დაქვეითების სიმპტომები.

გამოყენება ორსულობის და ლაქტაციის დროს.

რეოგრელის მიღების უკუჩვენებაა ორსულობა და ლაქტაცია.

ბავშვები: წამლის უსაფრთხოება და ეფექტურობა 18 წლამდე ასაკის პირებში არ დადგენილა.

ჭარბი დოზირება

რეოგრელის დოზის გადაჭარბების შემთხვევაში შეიძლება გაიზარდოს სისხლდენის პერიოდი. კლოპიდოგრელის ფარმაკოლოგიური მოქმედების ანტიდოტი არ არის დადგენილი. თუ საჭიროა სისხლდენის გაზრდილი პერიოდის სწრაფი კორექცია, კლოპიდოგრელის მოქმედების შეწყვეტა შესაძებელია თრომბოციტების მასის ტრანსფუზიით.

ასპირინის დოზის გადაჭარბების შემთხვევაში შეიძლება აღინიშნოს შემდეგი სიმპტომები: დოზის გადაჭარბების სიმძიმის საშუალო დონე: გულისრევა, ღებინება, ტინიტუსი, სმენის დაკარგვა, გონების დაკარგვა, ცნობიერების მოშლა; დოზის გადაჭარბების მწვავე ფორმა: ალკოჰოლური დელირია, ჰიპერვენტილაცია, კეტოაციდოზი, რესპირატორული ალკალოზი, კომა, გულსისხლძარღვთა და რესპირატორული უკმარისობა, ძლიერი ჰიპერგლიკემია. დოზის გადაჭარბება უფრო მეტად შესაძლებელია ხანდზმულ პაციენტებში.

მკურნალობა: აქტივირებული ნახშირი, კუჭის გამორეცხვა, მჟავა-ტუტოვანი ბალანსის განსაზღვრა. ტუტე და ფორსირებული ტუტე დიურეზი, ჰემოდიალიზი, ინფუზიური თერაპია; სიმპტომური მკურნალობა. ტუტე დიურეზი ტარდება, ვიდრე pH არ მიაღწევს 7.5 – 8. ფორსირებული ტუტე დიურეზი ინიშნება მაშინ, თუ სალიცილატების პლაზმური კონცენტრაცია აღემატება 500 მგ/ლ (3.6 მმოლ/ლ).

გამოშვების ფორმა და შეფუთვა

10 კაფსულა ბლისტერში. 1 ბლისტერი გამოყენების ინსტრუქციასთან ერთად. მოთავსებულია მუყაოს კოლოფში.

შენახვის პირობები

ინახება არაუმეტეს 25°C ტემპერატურაზე ორიგინალ შეფუთვაში.სინათლისაგან დაცულ და ბავშვებისათვის მიუწვდომელ ადგილზე.

ვარგისობის ვადა

2 წელი

აფთიაქიდან გაცემის წესი

ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი

MEPRO PHARMACEUTICALS PVT. LTD.(Unit – II)., ინდოეთი

სავაჭრო ლიცენზიის მფლობელი

სს „ჰუმანითი ჯორჯია“, საქართველო