სალბუტამოლი-ჰუმანითი

სავაჭრო დასახელება

სალბუტამოლი-ჰუმანითი

საერთაშორისო არაპატენტირებული დასახელება

სალბუტამოლი

სამკურნალწამლო ფორმა

ტაბლეტები

შემადგენლობა

ყოველი ტაბლეტი შეიცავს:

სალბუტამოლის სულფატს ექვივალენტურს 2მგ/4მგ სალბუტამოლისა.

ფარმაკოთერაპიული ჯგუფი

სასუნთქი გზების ობსტრუქციული დაავადებების სამკურნალო საშუალებები, სელექციური ბეტა-2-ადრენორეცეპტორის აგონისტები.

ათქ კოდი: R03AC02.


ფარმაკოლოგიური თვისებები

ფარმაკოკინეტიკა

სალბუტამოლი კარგად შეიწოვება კუჭ-ნაწლავის ტრაქტიდან. მისი ეფექტი მიიღწევა 15 წუთში და გრძელდება დაახლოებით 14 საათი. პრეპარატი გამოიყოფა შარდში დაახლოებით 24 საათში, პრეპარატის 50% გამოიყოფა 4 საათის განმავლობაში. სალბუტამოლის და მისი მეტაბოლიტების პიკური პლაზმური კონცენტრაციები შეადგენს 5.1 – 11.7 µგ 2.5-3 საათში პერორალური 4მგ დოზის მიღების შემდეგ. სალბუტამოლი მნიშვნელოვნად არ კვეთს ენცეფალურ ბარიერს, მაგრამ კვეთს პლაცენტარულ ბარიერს.

ფარმაკოდინამიკა

სალბუტამოლი ასტიმულირებს ფილტვებში  ბეტა-2 -ადრენერგიულ რეცეპტორებს ბრონქების გლუვი კუნთების მოდუნებისთვის, ამასთანავე ხსნის ბრონქულ ასთმასთან , ემფიზემასთან და ქრონიკულ ბრონქიტთან ასოცირებულ ბრონქოსპაზმს. მოცემული მოქმედების გამო სალბუტამოლი ზრდის სიცოცხლისუნარიანობას, ამცირებს ნარჩენ მოცულობას და ასუსტებს სასუნთქი გზების რეზისტენტობას.

სალბუტამოლი არის ბეტა(2)-ადრენერგიული აგონისტი და ამგვარად ასტიმულირებს ბეტა(2)-ადრენერგიულ რეცეპტორებს. ალბუტეროლის კავშირი ბეტა(2)-რეცეპტორებთან ფილტვებში იწვევს ბრონქული გლუვი კუნთების მოდუნებას. მიჩნეულია, რომ სალბუტამოლი ზრდის cAMP წარმოებას ადენილატ ციკლაზას აქტივირებით და სალბუტამოლის მოქმედება განპირობებულია cAMP-ის მიერ. მომატებული უჯრედშიდა ციკლური AMP ზრდის cAMP-ზე დამოკიდებული პროტეინ კინაზა A-ს მოქმედებას, რომელიც აინჰიბირებს მიოზინის ფოსფორიზაციას და ამცირებს უჯრედშიდა კალციუმის კონცენტრაციებს. შემცირებული უჯრედშიდა კალციუმის კონცენტრაციები იწვევენ გლუვი კუნთების მოდუნებას და ბრონქოდილატაციას. ბრონქოდილატაციაზე დამატებით, სალბუტამოლი აინჰიბირებს ბრონქოკონსტრიქტორული საშუალებების გამოთავისუფლებას მასტოციტებიდან, აინჰიბირებს  მიკროვასკულურ გაჟონვას და აძლიერებს მუკოცილიარულ კლირენსს.

გამოყენების ჩვენებები

  1. ნებისმიერი ტიპის ბრონქული ასთმის დროს ბრონქოსპაზმის მოსახსნელად.
  2. ქრონიკული ბრონქიტი
  3. ემფიზემა

დოზირება და მიღების წესი

მოზრდილები: ჩვეულებრივი დოზა შეადგენს 2-4 მგ დღეში სამჯერ ან ოთხჯერ.

ხანდაზმულ პაციენტებში დასაწყისისთვის უნდა მოხდეს დაბალი დოზების დანიშვნა.

ბავშვები: 2-6 წლის: 1-2 მგ დღეში 3-4-ჯერ

6-12 წლის: 2მგ დღეში 3-4-ჯერ.

>12 წლის: მოზრდილების დოზა.

ბეტა-ადრენერგიული სტიმულატორების მიმართ მგრძნობიარე პაციენტებისა და გერიატრიული პაციენტებისთვის რეკომენდებულია შედარებით დაბალი საწყისი დოზები.

გვერდითი მოვლენები

სალბუტამოლმა შესაძლებელია გამოიწვიოს ჩონჩხის  კუნთების მსუბუქი ტრემორი (განსაკუთრებით ხელის), პალპიტაციები და კუნთების დაჭიმულობა. ტაქიკარდია, დაძაბულობა, თავის ტკივილი და პერიფერული ვაზოდილატაცია შეინიშნებოდა დიდი დოზების მიღების შემდეგ. შფოთვა, ცხელება, მოუსვენრობა, უძილობა, დაბნეულობა, გაღიზიანებადობა, სისუსტე, ფსიქოზური მდგომარეობები, მადის დაქვეითება, გულისრევა და ღებინება შესაძლებელია განვითარდეს სალბუტამოლის ცენტრალური ეფექტების გამო.

შარდვის გაძნელება და შარდის შეკავება, დისპნოე, მეტაბოლიზმის დარღვევა, ოფლიანობა და ჰიპერსალივაცია შესაძლოა განვითარდეს.

უკუჩვენებები

დაუშვებელია ბეტა-ბლოკატორების, როგორიცაა პროპრანოლოლის მიღება სალბუტამოლთან ერთად.

ჰიპერმგრძნობელობა ან რომელიმე ნივთიერების მიმართ ან სიმპათომიმეტური თირეოტოქსიკოზები.

ურთიერთქმედება სხვა პრეპარტებთან

დაუშვებელია სალბუტამოლის და არასელექციური ბეტა-ბლოკატორის, როგორიცაა პროპრანოლოლი,  ერთად მიღება. სალბუტამოლი არ არის უკუნაჩვენები პაციენტებში, რომლებიც მკურნალობენ მონოამინ ოქსიდაზას ინჰიბიტორებით.

განსაკუთრებული გაფრთხილებები

ასთმის მართვა უნდა მოხდეს ეტაპობრივი პროგრამის მიხედვით . ასევე უნდა მოხდეს პაციენტების პასუხის მონიტორინგი და ფილტვების ფუნქციის ტესტირება. ხანმოკლე მოქმედების საინჰალაციო ბეტა2 აგონისტების გამოყენების გაზრდა სიმპტომების სამართავად  მიუთითებს ასთმის კონტროლის გაუარესებაზე. მსგავს სიტუაციებში უნდა მოხდეს პაციენტის სამკურნალო გეგმის გადახედვა. ასთმის კონტროლის უეცარი და პროგრესული გაუარესება სიცოცხლისთვის საშიშია და უნდა მოხდეს კორტიკოსტეროიდების დანიშვნა ან დოზის მომატება. რისკ-ჯგუფის პაციენტებში უნდა მოხდეს ყოველდრიური პიკური ნაკადის მონიტორინგი. უნდა მოხდეს პაციენტების გაფრთხილება იმის შესახებ, რომ თუ სიმპტომების მოხსნა შემცირდა ან მოქმედების ჩვეულებრივი ხანგრძლივობა შემცირდა, არ უნდა მოხდეს დოზის ან მიღების სიხშირის გაზრდა და უნდა მიმართონ ექიმს. სალბუტამოლის მიღება სიფრთხილით უნდა მოხდეს თირეოტოქსიკოზის დროს. პოტენციურად სერიოზული ჰიპოკალემია შესაძლოა განვითარდეს ბეტა2 აგონისტების თერაპიის დროს, როგორც პარენტერალური, ასევე ინჰალაციური გამოყენებისას. განსაკუთრებული სიფრთხილეა საჭირო მწვავე ასთმის დროს, რადგან მოცემული ეფექტი შესაძლოა განვითარდეს ქსანტინების წარმოებულებთან, სტეროიდებთან, შარდმდენებთან ერთად გამოყენებისას და ასევე ჰიპოქსიით. რეკომენდებულია შრატისმიერი კალიუმის დონეების მონიტორინგი მსგავს სიტუაციებში. სხვა ბეტა-ადრენორეცეპტორების აგონისტების მსგავსად, სალბუტამოლს შეუძლია გამოიწვიოს შექცევადი მეტაბოლური ცვლილებები, მაგ. სისხლში შაქრის დონის მომატება. დიაბეტით დაავადებულ პაციენტებში შეუძლებელია ამის კომპენსირება და შესაძლებელია კეტოაციდოზის განვითარება. კორტიკოსტეროიდების ერთდროულ მიღებას შეუძლია გაამწვავოს მოცემული ეფექტი.

გამოყენება ორსულობის დროს:

დაუშვებელია გამოყენება ოსრულობის დროს.

ლაქტაცია:

არ არის რეკომენდებული ლაქტაციის დროს, თუ მოსალოდნელი სარგებელი არ აჭარბებს პოტენციურ რისკს.

გამოყენება პედიატრიაში:

ექიმის დანიშნულების მიხედვით.

ჭარბი დოზირება

საინჰალაციო საშუალების განმეორებითმა ჭარბმა გამოყენებამ შესაძლებელია გამოიწვიოს გვერდითი მოვლენები, როგორიცაა ტაქიკარდია, ცნს-ის სტიმულაცია, ტრემორი, ჰიპოკალემია და ჰიპერგლიკემია.

მკურნალობა შედგება სალბუტამოლის მიღების შეწყვეტისგან და სათანადო სიმპტომური თერაპიისგან. სასურველი ანტიდოტი არის კარდიოსელქციური ბეტა-ბლოკატორი, მაგრამ ბეტა-ბლოკატორების გამოყენება უნდა მოხდეს სიფრთხილით პაციენტებში ბრონქოსპაზმის ისტორიის დროს. სალბუტამოლის ჭარბი დოზირებისას შესაძლებელია ჰიპოკალემიის განვითარება. უნდა მოხდეს შრატისმიერი კალიუმის დონეების მონიტორინგი. ჰიპოკალემიის განვითარების შემთხვევაში კალიუმის ჩანაცვლება უნდა მოხდეს პერორალური მიღებით. მწვავე ჰიპოკალმეიის დროს აუცილებელია ინტრავენური ჩანაცვლება.

გამოშვების ფორმა და შეფუთვა

ბლისტერზე 10 ტაბლეტი . 3 ბლისტერი მოთავსებულია გამოყენების ინსტრუქციასთან ერთად მუყაოს კოლოფში.

შენახვის პირობები

შეინახეთ არაუმეტეს 25 ˚С ტემპერატურაზე. სინათლისაგან დაცულ და ბავშვებისათვის მიუწვდომელ

ვარგისიანობისვადა

3 წელი.

გაცემისწესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი

Celogen Generics Private Limited., ინდოეთი

სავაჭროლიცენზიისმფლობელი

სს „ჰუმანითი ჯორჯია“, საქართველო